ليا متى نرضى على الضيم ونضيم =وليا متى نبقى على الحال بخصـام
راكب ٍ في روسنا ابليـس الرجيـم =ولا بقـى فينـا مـوده واحـتـرام
أن سكتنـا كـن مافيـنـا حلـيـم =وان تكلمنا "على الدنيـا السـلام"!!!
مامشينـا بالـصـراط المستقـيـم =ولا تعلمـنـا المـعـزه والـوئـام
ناكـل بلحم"الصداقـه" مـن قديـم =لين صـار اللحـم بيدينـا عظـام
نركـز رمـاح العـداوه بالصميـم =ولايسوي أفعالنا "ولـد الحـرام "!!
راينـا يبقـى مثـل راي الغشيـم =مانعرف الهـرج واسلـوب الكـلام
كل منا حـط فـي عينـه خصيـم =أن صحى به سـب وإلا مـا ينـام
كن مافي ضلوعنـا قلـب ٍ رحيـم =وكن مافينا علـى الذمـه" لجـام"!!
فـي بعضنـا لا نحـط ولا نقيـم =لين تشرب من مواردنـا الحيـااام
من يقول"العقـل بالجسـم السليـم" =يعـرف ان العقـل مافـاد النعـام
نستلـذ الهـرج بالليـل العتـيـم =ونستغل الضرب من تحت الحزام !!
الفهيـم الخبـل والخبـل الفهـيـم =واختلط بالحابـل النابـل ..سهـام
من بقى يرجي ورى عقـل ٍ سقيـم =مثل من يرجي ورى الكافر صيام !!
أن خذلنـي الـظـن والله العلـيـم =لين يطري الموت مافينـا أنسجـام
ويلكم يانـاس مـن نـار الجحيـم =ترفضون الوصل لعنـاد السـلااام
يابشـر مامـات برعانـا اليتـيـم =وعلمنا واضح مثـل بـدر التمـام
كم ورثنا الصيت من فعل ٍ عظيـم =وكم لنـا بالمجـد رايـات وسنـام
أن تركنا الغيض عشنا فـي نعيـم =وأن تبعنا الكره متنـا فـي خصـام

أن سكتنـا كـن مافينـا حلـيـم
وان تكلمنا "على الدنيا السـلام"!!!

مامشينـا بالصـراط المستقـيـم
ولا تعلمنـا المـعـزه والـوئـام

ناكـل بلحم"الصداقـه" مـن قديـم
لين صـار اللحـم بيدينـا عظـام


اهلا بهذا الحضور الراقي الذي اعتدناه منك دائما وابدٍ.

وصح لساااااااانك

أن سكتنـا كـن مافينـا حلـيـم
وان تكلمنا "على الدنيا السـلام

لاهنت على هذا التصوير الرائع

ولاغرابه انت احد المبدعين الذين لهم بصماتهم المتميّزه

دام تواصلك بهذا الابداع

تقديري واحترامي

يابشـر مامـات برعانـا اليتيـم وعلمنا واضح مثـل بـدر التمـام كم ورثنا الصيت من فعل ٍ عظيـم وكم لنا بالمجـد رايـات وسنـام أن تركنا الغيض عشنا فـي نعيـم وأن تبعنا الكره متنا فـي خصـام