اسعد الله صباحك
 

..
أسعد الله صباحك وأسعد الله مساك
ــــــــ أشهد إن الصباح ان غبت كله كدر
..
أنت لو تحسبه قدرك فـ صدري تراك
ــــــــ مثل من يحسب أبعاد الفضا فـ الشبر
..
وانت لو تبتعد .. تراي أبطرد وراك
ــــــــ وان طردني سواك أبلتفت واعتذر
..
لا بغيت اختصر فـ الشعر معنى غلاك
ــــــــ كني أبختصر كل الكتب في سطر
..
إغرف الود من قلبي على مشتهاك
ــــــــ مثل من يغرف بـ كفيه شاطي بحر
..
كل عين(ن) تشوفك ما تعبر سواك
ــــــــ وانت ليَّه وطن ولا نويت السفر
..
يذبل الحرف توَّه ما وصل منتهاك
ــــــــ وين ابروح عن حبك مدامه قدر
..

رد: اسعد الله صباحك
 

صح لسانك اخوي عبد الله وابيات جميلة ورائعة

اتشرف بكوني اول من يرد هنا

تحياتي لك

رد: اسعد الله صباحك
 

رد: اسعد الله صباحك
 

صح لسانك اخوي عبدالله المعيوف

والله يعطيك العافية على النص الرائع

كتبت وابدعت ولا يستغرب الإبداع من اهله

لك شكري وتقديري

رد: اسعد الله صباحك
 

عبدالله معيوف الدهمشي
--------------

صح السانك

أبيات من ذهب ما شا الله عليك

حابكهن حبك بيض الله وجهك

لك شكري وتقديري

رد: اسعد الله صباحك
 

الشاعر عبدالله الدهمشي

صح لسانك ابدعت في ماكتبت وانت رائع دائما

تقبل اعجابي

رد: اسعد الله صباحك
 

لا بغيت اختصر فـ الشعر معنى غلاك = كني أبختصر كل الكتب في سطر

عبدالله الدهمشي

صح لسانك .. اعجبني البيت السابق كثيرا