°~*¤®§(§ شبـــكة ويــلان العـربـيـه §)§®¤*~ˆ°

- منتدى المختارات الشعريه (http://www.weelan.com/vb/forumdisplay.php?f=10)

- - ياللي أحبّك كثر ماحبّ أمّي (http://www.weelan.com/vb/showthread.php?t=23512)

ياللي أحبّك كثر ماحبّ أمّي

ياللي أحبّك كثر ماحبّ أمّي
ماعاد لي غيرك من الناس أقراب

يامفرّج لروحي من جيوش غمّي
ياعاتق ارقبتي من سيوف طلاّب

ودّي أنام بحضنك ولي تسمّي:
كل شيّ فيني ما تحبه وتغتاب !

لا تقول لي إنتي (هنا) مثل دمّي
كل عرْق ينبض بك (على شاني) وذاب

لا تقول ماخذتك معي دون أسمّي
وتسْحرك شامه مع عيوني وعنّاب !

وإني أحطّك واثقه وسْط كمّي
ولاغبت عنّك كل الأفراح غيّاب

وإنّك تشيل بضيقتي كل همّي
ولامن فقدت ( احنيّنك ) يوم ترتاب !

وحلمك تكون إنّك من عيال عمّي
وأصبح حلالك دون خوف وتحسّاب

إجمع شتاتي حاول الحين لمّي
محتاجتك من أمس يالعزوه أصحاب

ياللي أعدّك لي قرابه / وأمّي
لحمي بغيابك ينهشه أهل واكلاب!

غيرك أنا مابيه لحظات يمّي !
مستغنيه / دامك حضنّ لي وجلباب !

لِ حنان الع ـجمي