اسعد الله اوقاتكم بالخير
هذي القصيده مثلت بها قبيلتي عنزه
قلتها مدح بقبيلة الشرارات عندما استظافو قبيلة عنزه من الشيوخ والشعراءوالادباء وجميع القبايل
بستضافت الشيخ سعيد بن جحليش الشراري والحقيقه يستاهلون المدح والثناء على حسن اللاستقبال والضيافه
والتفاعل مع الشعر والشعرء

سلام يالابة اهل الطيب يسعد مساه=يسعد مساء اللابه اللي نايف جيلها
وسلام ياشيخ قوم جيت انا من غلاه=لو حفلته يم شاط النيل لاجيلها
لوكان ماجيت للموعد بحزة نداه=تأكد ان اليالي جت محابيلها
لاكن وصلنا مضيفك ياعساك الغناه=والدله الطيبه سيقت فناجيلها
يامطيب الشيخ ابو معتق ومطيب نباه=سعيد اللي علوم الطيب زاهيلها
ابوك وصاك لين انك مسكت الوصاه=تتعب على الطيبه بالحال وتخيلها
علمك طبع الوفا وفيك الوفا من وفاه=وصحيح طبع الزعامه من مداهيلها
يمانك ماكنها الا الغيث ياصب ماه=مثل السحابه الياصبت هماليلها
بيوتكم فاتحه للضيف واللي نصاه=للضيف بيض الصياني فوقها حيلها
قولت هلا تجلي عماسه وتقطع ضماه=والبن بالدله اللي فايح هيلها
ابك انت من روس قوم عالين مستواه=افعالكم بالشجاعه مانقص كيلها
امجاد لابة بني مكلب شمخ في سماه=علم الوفا من خلق الله محاصيلها
قوم اللاحاوي لهم معنى وقيمه وجاه=شجعان وقت الملاقا يعتلو خيلها
ياصاحت ام العيون السود سمعو ابكاه=عقيلها بالفعل تقلب مهابيلها
خيالكم مايحسب موت ولا حياه=يدحم على القوم بسيوفه ويثنيلها
منكم زحازيح قوم يطوعون العصاه= الكايده عندهم ياسهل تذليلها
حسين عاشق زعيم الطيب محد نساه=سيف القبيله ومدفعها وقنديلها
والشيخ فوزي محمد عز منهو نخاه=ابن دعيجا الياجاها عدل ميلها
والشيخ فدغاش ياجاه الدخيل احتماه=ياحل فالقوم من شلفاه ياويلها
والشيخ عبدالله العماش فعله زهاه=نبع الصخا والوفا منبع هماليلها
والشيخ ضيف الله سويلم يصد الغزاه=الينتختبه هنوف طاح من ديلها
والشيخ عايد وبن هلان سم العداه=اخيولهم بالوطا تسمع زلازيلها
وسعيد وبن دغيشم كم عقيدن حناه=ومكمن وفدمان ياللي جاهل سهيلها
وياقلت شهبان اخو صبحا زعيم عقداه=وبن ضبيعان اخو فزه دواليلها
وياحل علم العديلاوي بفعل مشاه=اخو شحينه يوصلها مواصيلها
والباتع عقيل النجاب يصعب لقاه= ياحل بالقوم ذيب القوم حلحيلها
وكل القبيله عموم شيوخها ووجهاه=الفخر والطيب والنوماس يحكيلها
المدح يسمو بكم والطيب يشمخ بناه=حتى القصايد بكم يسمو مواويلها
جتكم سوات العسيفه ماتداني عصاه=تحمل تحيات وائل ساريه ليلها
البعد ماهمها لوكان طول مداه=جتكم تلوح السفايف ماثنت حيلها
صوب الجدي لشمال ومشيها بتجاه=يم الشرارات رحلتها وتفصيلها

وسلامتكم

سعود الراااجي