قبل امس كان الحب مافيه غيره=وقلبين جمعهم على الحب الاسقام
الامهم وحده ولوهي كثيره=وضحكاتهم تطغى على كثر الالام
ارخصت من حبك يحددمصيره=بليلة ظلمى بها الجفن مانام
وقفت مابين الطعون المريره=اصبر الدمعات في رجوى الاحلام
وناظردروب الزمان العسيره=ووشلون مرت كل الاحداث في عام
بعدك وصبري والعيون الكسيره=لحظات خلت صافي الودينضام
ياعنك كسري مالقي له جبيره=يوم الامل قفى وغرته الاوهام
غديت مثل اللي مضيع عشيره=من عقب ماهو فارس القوم ضرغام
من بعدهم صارت عيونه ضريره=يصبح على هم ويمسي على اسقام
خايل سحاب به مزون غزيره= في ديرة قفرى خلت مابها انام
يتبع سرابه ماوصل لم اخيره=يشرب وكنه صايم الدهر لاصام
والجوع كافرواليدين الفقيره=ويهيم ماحوله من الناس عزام
له في دروب العقل حكمه وسيره=وله في غرابيل الزمن بصمة ابهام
ياصاحبي ياجعل بالبعدخيره= وجعل اليالي تبري الجرح لا ضام
واليوم تمت والصغيره كبيره=لاهي مزوح وهرجة مالها افهام
قبرت حبك والخساير مريره=يارب عفوك والبقى براس الايام

المشاركة الأصلية كتبت بواسطة همس الورد (المشاركة 392937) شكرااااااااا للراااائعه المبدعه ام فيصل تحية ملؤها الشوق والود تحية معطرة بأريج الزهور .. وعبيرها الفواح . . تحية من قلبي اليك على عتبات هذه الصفحة البيضاء . . يسرني ويفرح قلبي ..أن أرى نزف قلمك وقلبك العامر بالايمان قادني عبق الزهور وشذاها . . شدني التلاحم بين اوراقها لمست فيك زهره متكاتفه تسعى لهدف واحد أبداع دائم ومتواصل فقررت ان أحط رحالي في صفحتكم الرائعه الله يعطيك العافيه تقبلي مروري وخالص تحياااتي اختك همس الورد

المشاركة الأصلية كتبت بواسطة محمد دعسان (المشاركة 392946) الشاعره الرائعه ام فيصل لله درك الف شكر لنثرك هذ الدرر ك عادتك ابداع مميز وراقي تقبلي مروري الله يحفظك

المشاركة الأصلية كتبت بواسطة خلف الغريب (المشاركة 392964) قبرت حبـك والخسايـر مريـره يارب عفوك والبقى براس الايـام شعر جميل يضج بالمعاناة فلا عدمنا هذا الحضور.. تحياتي