°~*¤®§(§ شبـــكة ويــلان العـربـيـه §)§®¤*~ˆ°

- منتدى المحاولات الشعريه (http://www.weelan.com/vb/forumdisplay.php?f=45)

- - حسافه (http://www.weelan.com/vb/showthread.php?t=23883)

السلام عليكم ورحمة الله وبركاته

اخواني واخواتي الأعضاء

هذه القصيده من تأليفي وارجو ان تنال اعجابكم

حسافه كنت اظن انك مثل مااهواك تهواني

اشوفك تبتسم عينك وحسبت اني على بالك

انا لا شفتك قبالي اعيش بعالم ٍ ثاني

ولامن غبت عن عيني اتحرى حزة وصالك

رجيتك لا تعاتبني ولا تزعل على شاني

بغيتك بس تكلمني عشان اسأل عن احوالك

انا الغلطان سامحني وادمح زلة لساني

وامسح كل رسالة حب جت مني بجوالك

انا اللي من بعد صدك اعيش بهم وحداني

اهني من تحبينه وفي حبه لك هنيالك

انا المفتون في حبك اسيرك وانت سجاني

سو اللي تبي فيني مدام انه بيحلا لك

انا اللي ما نسيتك وانت روح بعيد وانساني

ابدعي لك عسى ربي يحقق كل آمالك

وسلامتكم

رد: حسافه

هاجسي طيفك صح لسانك

احاسيس مرهفه وحس شاعري مميز

يوجد بعض الملاحظات على الوزن وانا لست بناقده

لكن دخلت لان النص اعجبني صراحةٍ

وننتظر المختصين في مجال النقد كي نستفيد جميعنا منهم

تقديري لك

رد: حسافه

الاخ / هاجسي طيفك
اهلا بك وصح لسانك

القصيده فيها ابيات جميله وفيها شعور شعري صادق وهذا ماوصل لي من خلال قرأتي لها

القصيده بحاجه فقط الي مراجعه بسيطه لأصلاح خلل الوزن مثلا :

ولامن غبت عن عيني اتحرى حزة وصالك

اهني من تحبينه وفي حبه لك هنيالك

سو اللي تبي فيني مدام انه بيحلا لك

اتمنى لك التوفيق وانا على ثقه بأنك قادر على كتابة الاجمل وقريبا جدا

ننتظر القادم