ما دام ان صار يسد عين الشفق غربال = بدى النوم يرهقنا وبدى الصمت يغوينا
سكتنا وطول صبرنا بين حال وحال = ندور بطيات الزمن ويش يرضينا
تعبنا ندوربعد طول المسير ظلال = كأن السلام شوي يستحلف يدينا
نغني على دبكه نغني مع الموال = ونطلب من الله بعد هالذنب يهدينا
بدينا نفكر واستفقنا على الاطلال = وجلسنا نفكر بعدها ويش سوينا
بدت لخبطة فكر وضباب وهزيم ارجال = وبدينا انتمنى واخذلتنا اما نينا
غضبنا وكبرنا وصار الوطى زلزال = لكنا تهاونا بعدها وهدينا
مزون السما هلت ولا في شعيبٍ سال = و حنا نرسي في سفنا موانينا
يقولون فارس قوم يهزم مية رجال = وجذينا الدلال وتونا ما تقهوينا
زعلنا على المرسل رضينا على المرسال = زعلنا وباقي تونا ما تراضينا
رسمنا لهم صورة نصبنا لهم تمثال = مرضنا بعدها تونا ما تشافينا
تعب والجمل ما عاد يمشي ورا الجمال = ونهني وحنا عمرنا ما تهنيناا
نشوف العجوز تصيح وتقتل الاطفال = جدانا انتأفف بس ونصفق يدينا
متى نستعيد المجد ونحقق الامال = تعبنا نجامل بالتسامح معادينا
نبي نفتح الابواب ونكسر الاقفال = نبي نستعيد المجد ونعيد ماضينا
ومادام ان صار يسد عين الشفق غربال = بدى الصمت يرهقنا وبدى النوم يغوينا