°~*¤®§(§ شبـــكة ويــلان العـربـيـه §)§®¤*~ˆ° - عقب القصيده .. عاشِقِكْ دافنينه ..!!

- منتدي الشعراء (http://www.weelan.com/vb/forumdisplay.php?f=8)

- - عقب القصيده .. عاشِقِكْ دافنينه ..!! (http://www.weelan.com/vb/showthread.php?t=24592)

عقب القصيده .. عاشِقِكْ دافنينه ..!!

السلام عليكم

كان الموادع بيننا فيه مصلوح
..................... ودعتك الله والمشاعر دفينه

ردْلي هذاك اللي معك كلّه جروح
.................... خابرهْ قلبي عند ايادي امينه

بحرالهوى كلّ الخطا فيه مدموح
.................... الاّ خطاك ايعوم مثل السفينه

لكنّ قلبي كلّ ماجْبرْه مفضوح
................. لاذعذع النسناس ذعذع حنينه

وانوح بغيابك كما نايح الدوح
................ وابوح شوقي في قصايد حزينه

مير البلا مافادني كثرت البوح
.................... اليا ذكرتك زاد قلبي أنينه

ياما على بالي تجي ناس وتروح
.................. الاّ طيوفكْ في عيوني سجينه

لو حنّ قلبكْ ردّلي بضحك ومزوح
................. تلقى مساحةْ خافقي لك مدينه

وان كان مالي في سما خافقك ضوح
................. بطوي بقايا مابقى من سنينه

اسقيتني فرقا وانا انسان مذبوح
............ من يوم فارقتي مدى شوف عينه

ماعاد فيني للموادع بقت روح
................عقب القصيدهْ عاشِقِكْ دافنينه

شعر : مشاري بن فالح البدري

13/3/2012