الشيب
بسم الله الرحمن الرحيم الشاعر / مشعل عسام التريباني الشمري (( الشيب )) تكفون طيبو باول العمر ياعيــال=ترو اخره مافيه لذه ولا طيــــــــــب من لا تبيّن باول العمرما طــــال=فعل المراجل عقب ما ناشه الشيـــب الشيب كم دمّر عزيزين وابطــال=لو بارزو بالفعل جسّاس وكليـــــــب الشيب للرجّال يوريه الاهـــــوال=يالي تقول الشيب مابه عذاريـــــــب الشيب يقصر باع ذربين الأفعـال=الّي لهم بالطيب ماضي تجاريــــــب عيّب ذياب الخيل كسّاب الأنفــال=الفارس المقدام ستر الرعابيـــــــــب الشيب به للرجل تنقيـــص وإذلال=ستر العفون متركين المواجيـــــب عزي لرجلٍ باول العمر ما شـــال=حمل الرجوله واعتلا بالمراقيـــب يا صار ما يحمل من الطيب مثقال=تراه يحسب من حساب الرعابيـب متى يطيب إنكان للطيب مانــــــال=باول شبابه ما حوا المدح والطيـب الحر فرخه ماكره عالي الجــــــال=والبوم ما يسكن طويل اللهابيــــب طيبو ترا الطولات به عز واجـلال=هذا كلام الصح مافيــــــــه تكذيب حي الكريم الي بذل غالي المـــــال=الي بذل ماله كفاحٍ عن العيــــــب الي بكف الجود للجود يكتــــــــــال=يا دنّق الخائب كبير اللغابيــــــــب عسا الكريم يزيده الله بالامــــوال=ألّــي يجّمل يالفوه الاجانيـــــــــب ألّي على الطولات صابر ولا زال=ماقال انا خايف يبي ينقص الجيب لعل يفدونه من الناس الانـــــذال=عبّادة الدرهم قلال التراحيــــــــب |
رد: الشيب
صح السانك ولاعدمنا تواجد يا الشاعر الرائع \ مشعل
وبيض الله وجهك على كل بيت من قصايدك تقبل وافر محبتي لك |
رد: الشيب
اخوي جايز المفوز
صح بدنك وشكرا لك على المرور الله لايهينك اخي الفاضل |
رد: الشيب
اقتباس:
المشاركة الأصلية كتبت بواسطة مشعل التريباني http://www.weelan.com/vb/mecano/buttons/viewpost.gif بسم الله الرحمن الرحيم الشاعر / مشعل عسام التريباني الشمري (( الشيب )) تكفون طيبو باول العمر ياعيــال=ترو اخره مافيه لذه ولا طيــــــــــب من لا تبيّن باول العمرما طــــال=فعل المراجل عقب ما ناشه الشيـــب الشيب كم دمّر عزيزين وابطــال=لو بارزو بالفعل جسّاس وكليـــــــب الشيب للرجّال يوريه الاهـــــوال=يالي تقول الشيب مابه عذاريـــــــب الشيب يقصر باع ذربين الأفعـال=الّي لهم بالطيب ماضي تجاريــــــب عيّب ذياب الخيل كسّاب الأنفــال=الفارس المقدام ستر الرعابيـــــــــب الشيب به للرجل تنقيـــص وإذلال=ستر العفون متركين المواجيـــــب عزي لرجلٍ باول العمر ما شـــال=حمل الرجوله واعتلا بالمراقيـــب يا صار ما يحمل من الطيب مثقال=تراه يحسب من حساب الرعابيـب متى يطيب إنكان للطيب مانــــــال=باول شبابه ما حوا المدح والطيـب الحر فرخه ماكره عالي الجــــــال=والبوم ما يسكن طويل اللهابيــــب طيبو ترا الطولات به عز واجـلال=هذا كلام الصح مافيــــــــه تكذيب حي الكريم الي بذل غالي المـــــال=الي بذل ماله كفاحٍ عن العيــــــب الي بكف الجود للجود يكتــــــــــال=يا دنّق الخائب كبير اللغابيــــــــب عسا الكريم يزيده الله بالامــــوال=ألّــي يجّمل يالفوه الاجانيـــــــــب ألّي على الطولات صابر ولا زال=ماقال انا خايف يبي ينقص الجيب لعل يفدونه من الناس الانـــــذال=عبّادة الدرهم قلال التراحيــــــــب مشعل التريباني صح لسانك وسلم بنانك شاعر جزل ولاتكتب إلا الجزل إلآ أنني أخالفك الرأي بهذه الأبيات الشيب كم دمّر عزيزين وابطــال=لو بارزو بالفعل جسّاس وكليـــــــب الشيب للرجّال يوريه الاهـــــوال=يالي تقول الشيب مابه عذاريـــــــب الشيب يقصر باع ذربين الأفعـال=الّي لهم بالطيب ماضي تجاريــــــب عيّب ذياب الخيل كسّاب الأنفــال=الفارس المقدام ستر الرعابيـــــــــب الشيب به للرجل تنقيـــص وإذلال=ستر العفون متركين المواجيـــــب أخي الشيب ليس عيبا ً وإنما يزيد الإنسان وقارا ًوإجلالا ً وتقديرا وإحتراماً والشيب لايقصر الباع من وجهة نظري فكم شائبا ً يسوى عشرة شباب ولكن إذا وصل الشائب سن الهرم قد ينطبق عليه هذا الكلام حيث تضعف قوته..والشيب ليس عيبا ً ولابه أي تنقيص لقيمة الرجل وليس به ستر حيث العفن يتبين من تصرفاته سواء شائب أو شباب وجهت نظر فقد قابله للخطاء والصواب أنقى تحيه |
رد: الشيب
خوي احمد الضوي
شكرالك على المرور الله لايهينك يالغالي وانا احترم رايك ولكن قصدي ان الكبير يعجز عن بعض الاشيا نظرا لكبر سنه فانا من جرب هذا نظرا لكبر سني كنت في بداية عمري لا اتكاسل ولا اتعب اما الان احيانا دلتي ما قدر اقف بها مثل اول هذا قصدي الله يطول عمرك يالغالي شاكر لك ومقدر بيض الله وجهك على كل ماتكتب يالغالي |
رد: الشيب
مشعل التريباني
صح السانك نص مميز والف شكر ع تواجدك الرائع دمت بخير |
رد: الشيب
صالح الاسود الجعفري
صح بدنك والله لايهينك اخوي الفاضل مرورك شرف لي |
| الساعة الآن (05:57 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه