تعال عندي لك من الشوق لحظات=وعندي لك ابيات القصيد وأغانيه
وعندي من اللهفه بداية نهايات=وعندي نهر مايرتوي منه ساقيه
وعندي لك سطور ٍ بها نبض الاهات=وعندي قلم ماخانني يوم اناديه
قبل الوداع الى كسى الصوت ونات=وقف وعطني خافقن جيت اناجيه
ماعاد فيني حيل يامر الاوقات=ولاعاد لي صبرن على حمل ماضيه
وش حيلتي لاجيتني انت بالذات=وعطيتني عهد الغرام وامانيه
وفجأه تجي فرقاك هم ٍ ولوعات=وياخذك مني شي ماكنت هاقيه
مدري بكتك العين بسكات بسكات=مدري صرخت وقلت ماني مخليه
مدري سمعني حي في داخلي مات=ولاسمعني كل حين براضيه
شفت الرياض بكبرها والبنايات=زولك سكن في كل حي ومبانيه
وشفت النجوم الى بعرض السموات=تشهد على نظم القصيد وقوافيه
ضاقت على فجوجها والمسافات=ورحت ازعج الاصوات واقول ياهيه
يمكن تجي واشاهدك بس لحظات=وتعيد لي ذاك الزمان وطواريه
لوغبت ماغابت لياليك ساعات=ولو راح حبك عهد مانيب ناسييه
ببقى على ذكراك لو كان هيهات=ولو مر زولك غصب ماني مراعيه
بغض عنك الطرف واسلي الذات =ياقلب راح الي توده وتغليه
ودعتك المولى عليم الخفيات=يبقيك ياحب خسرنا معانيه
وانا على فرقاك بعد الابيات=ابحر معى شعري وارسي موانيه
واسلي اللى ساهرالطرف مابات=واشاركه والقلب مافيه كافيه

المشاركة الأصلية كتبت بواسطة محمد خلف الزايدي (المشاركة 411324) صح لساااااااااااانك الله يعااااافيك رااااااائع ماطرحتيه لاااهنتي

المشاركة الأصلية كتبت بواسطة حمد الضوّي (المشاركة 411352) أختي طيف القصيد من العايدين وكل عام والجميع بخير وصح لسانك على هذه الشامخه بشموخك دائما ً مبدعه وذلك ليس غريب على طيف القصيد دمتي ودام الإبداع انقى تحيه