قصيده مهداه للأخ: سويلم حراثان الشراري
هذه القصيده اهديها لراع الجمايل والطيب الاخ : سويلم حراثان الشراري
سلام للي يا فعل طيب يزهاه= متعوده نفسه لكسب الجمايل رجلاً كريم مقدمه فعل يمناه = وعلى كثير من البشر له فضائل واللي يعرفه غير يمدح سجاياه= ويعطيك عن فعله صدوق الدلائل مواقفه تعرف ولاهي مخفاه = تداولوا ذكره عيال الحمايل ابغى امدحه والمدح يصلح بشراوه = اللي بذل معروف بعيال وائل يقضي لوازمنا ليامن وصلناه = ويقدر اللي نبعثه بالرسايل ويبين لك ياجيت محتاج تنخاه = عن الجزيله مايدور بدايل لان الجزاله هي مرامه ومبداه = ومواقفه تشفي كبوداً غلايل ابو سعود اللي يشرف بطرياه = سويلم حراثان واف الخصايل أن جيت بالمده جزالاً عطاياه = ياما عطى من شمخ النيب حايل وان جيت تبي فزعته ماتعداه = وصعابها تصير عنده سهايل يجود في ماله ويبذل لك الجاه = وقت الشدايد يرتكي للثقايل ننصاه وقت المعضله من عرفناه = وفي حلها عنده اسلوب و وسائل يصعب علينا لو نعدد مزاياه = لكن بوقت اليوم مثله قلائل قليل اللي هالوقت سواء سواياه = راع الذراع اللي على الطيب طايل |
رد: قصيده مهداه للأخ: سويلم حراثان الشراري
الشاعر القدير / محمد معتق اليمني العنزي
ياهلا ومرحبا بك واهلا بك في ملتقى النخبه وتشرفنا بحضورك واستمتعنا بشعرك عوده محموده ان شاء الله مع الشعر الجزل من شاعر لا يكت الا الجزل صح لسانك على هذه الرائعه الشعريه التي استمدت قوتها من شاعريتك الفذه وافعال الشخص الممدوح : سويلم حراثان الشراري يستاهل هذا المدح لما سمعنا عنه من الطيب وفعله غانم وذكره طيب شكرا لك وتقبل اعجابي |
رد: قصيده مهداه للأخ: سويلم حراثان الشراري
الشاعر محمد معتق العنزي
حينما يكون المدح في من يستحقه تكون النتيجه شعر جزل يجذب القاريء وهذه الابيات تشد قارئيها وحتما انها في شخص يستحقها ومن ثيلت فيه علمه غانم وانت وفي واظهرت الثناء صح لسانك وشكرا على الابداع .. |
رد: قصيده مهداه للأخ: سويلم حراثان الشراري
الشاعر القدير
محمد متق الف صح لسانك على هذه الشامخه والف نعم بالمادح والممدوح لاشك إنه يستاهل وأنت ماقصرت بيض الله وجهك على إضهار الثناء وهذه سمات الطيبين شرواك انقى تحيه |
رد: قصيده مهداه للأخ: سويلم حراثان الشراري
من ابرز سمات اهل الطيب الوفاء
وانت انسان وافي وشاعر جزل والا لما اظهرت ثناء هذا الرجل بهذه القصيده المعبره والجميله والنعم بك وبمن مدحت ومن حصل شيء يستاهله الشاعر محمد معتق اسجل اعجابي واكرر شكري لك |
رد: قصيده مهداه للأخ: سويلم حراثان الشراري
ونعم والله ومن يفعل الطيب يستاهل المدح ومن حصل شيء يستاهله
صح لسانك يامحمد معتق وبيض الله وجهك على هذه القصيده شاعر جزل تستحق المتابعه والاعجاب |
رد: قصيده مهداه للأخ: سويلم حراثان الشراري
الشاعر القدير محمد اليمني
صح لسانك والله يحييك في بيتك الثاني وعودا حميدا ان شاء الله لكي نستمتع بشعرك ويستاهل المدح / سويلم حراثان الشراري والمدح فيه مخلوف لانه اهل له شكرا لك وصح لسانك مره اخرى |
| الساعة الآن (12:50 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه