احبتي أضع بي أيديكم هذه القصيده والتي تشرفت بإلقائها بالحفل الذي اقامه
الشاعر الكبير/ طالب بن ونيس بن شتيوي السلمي بمناسبة زواج إبنه
بتاريخ 15/12/1433 هـ بمدينة القصيم

يالهاجس الشعري تعال اليـوم يومـك والهمـام=الجوْ جوّّ ٍ شاعـري خلـك علـى خُبـري ولِيـم
عطنا جديـد المفـردات النـادرات مـن الكـلام=وانهل دُرر من غبة البحـر العرمـرم والطميـم
ماكل فرصه لا سنحت بالوقـت تحتـاج إغتنـام=إلا الثمينه صـرْ لهـا سبّـاق وإغنـم ياغنيـم
لاحضروا رجال الشعر والوضع جا فيـه إحتـدام=وفي حال نادوا للقصيد انت سندي وانـت اللزيـم
بالقاعـه اللـي نورهـا بـدّد دياجيـر الظـلام=الشعر هبة لـه شماليـه وذعـذع لـه نسيـم
ليلة فرح ليلـة ونـس ليلـة سعـاده وإنسجـام=وجمعا على الطاعه كذا عسـى لهـا ربـي يديـم
في مجلس ٍ فيـه نتحـدّث والسوالـف بإنتظـام=لاسولف الشيخ الكبيـر إصغيرنـا مثـل الطريـم
والعود الأزرق ماطفى يمشي على الربع الحشـام=مع دلة ٍ فنجالها يبري خـوى الـراس الضريـم
يامرحبا بأطيب مساء وأطيـب تجمّـع وإلتمـام=ترحيبـة ٍ يبدابهـا الضـوّي ومبداهـا سلـيـم
للكـل أقدمهـا عسـى تبلـغ مـرادي والمـرام=ماهي لأحد من دون أحد قصدي بها ضافي عميم
أقولها بسـم الرجـال اللـي لهـم منـي سـلام=اللي لهم بين القبايـل شـان ومسمّـى ضخيـم
جينا لهم مـن بـاب تقديـر ومعـزه وإحتـرام=وإجلال لرجال العظامه جيـت والموقـف عظيـم
الله يقدرني وأجيـب اللـي علـى قـدر المقـام=والله يقدينـي علـى القـول المجمّـل والحكيـم
عند الكريم بن الكريـم سلالـة النـاس الكـرام=عديـم بسلوبـه وباخلاقـه وبافعالـه عـديـم
طالب زبون المرجله يلبس لهـا وشـاح وّسـام=وإن كان للطيب زعَمَا هو يعتبـر منهـم زعيـم
ينسب لقـوم ٍ تعتـزم فعـل الجميـلات إعتـزام=زحول الرجال القادره للكايـد الصعـب الجسيـم
العزوه اللي صيتهـا فـوق السحايـب والغمـام=تاريخهـم كـل القبايـل تشهـده لمـّى لمـيـم
كبار المهابه مكرمين الضيـف مرويـن الحسـام=وريف القصير ومزبن الخايـف مجليـن الغريـم
سلمات لامن ضاقت الحيله ولك موضـوع هـام=فزعاتهـم منهـا يـزول وينجلـي هـم الكظيـم
رجّالهـم معـروف مايبـدي عـذر لا جـاه زام=ولا صرْت جار ٍ لـسلمـي ماتنغلـب ماتستظيـم
وكل سلمي مخلوق معه الطيب من سـن الفطـام=والطيب كالعابـر سبيـل إلا ليـا وِصْلـه يقيـم
لو وزعوا طيب الفعايـل وزعهـم راس السنـام=قول ٍ عليـه ثبـات لا زايـف ولا قالـه وهيـم
هذي سجايا عزوتـي تيجـان راسـي والحـزام=سيوف ٍ لياحضـر اللـزوم إحـداد مافينـا ثليـم
نهج ٍ مشاه جدودنا ونمشي علـى نفـس النظـام=ومبطي كتبنـا سيـرة الامجـاد وافهـم يافهيـم
الراي واحد والهـدف جامـع ولا فيـه إنقسـام=وَلاَ يُحَـاوِل تفْرِقتْنـا غيـر موهـوم وغشـيـم
يوم إنها بالسيف الاملـح والشلافـي والسهـام=وحرب ٍ تصاهل حصنها وافراسها ترهـم رهيـم
وجتْ ساعة ٍ فيها حصل بيـن القبيليـن إلتحـام=فيها النخاوي والعـزاوي مابهـا أحلـم ياحليـم
ونادى عليان لـعلـي وينـك ياحمّـاي الجهـام=كلٍ يقول ابشر وأنا عونك عمى عيـن الخصيـم
سيوفنا لا من هَـوَتْ تكسـر صليبـات العظـام=وسهامنـا ورماحنـا ماتضـرب إلا ّبالصمـيـم
كم خيّر ٍ مـن فعلنـا بالمعتـرك يذهـب قـوام=وكم طامع ٍ عاف الطمع من خوفنـا ذب الخريـم
ودخيلنـا بظلالنـا يـامـن ويـرتـاح ويـنـام=وعدونا نركـي علـى كبـده لضاهـا والجحيـم
وكـل القبايـل والنعـم منّـا مايلحقهـم مـلام=ولا ينكر أمجاد العـرب ويذمّهـا غيـر الذميـم
وانا حضوري حفلكم واجـب علـى مثلـي لـزام=أحضر ولو خلفي من الأشغال ما الله بـه عليـم
هذا ماقـال الجعفـري والعـذر منكـم بالختـام=عسى السعد يبقى لكـم طـول الليالـي مستديـم