ياسلام الله على وايل جميعه=والفقيري كان بالوضع استطاعه
شوق غطروف الغنادير الفريعه=وراحة اللي طاح بوقوت المجاعه
عد ما بالكون من سنه وشيعه =او عدد ما نالت العليا ذراعه
سربة الويلان وخيول الطليعه=ترهب العدوان في وقت اندفاعه
حربهم تشبه لواهيب الوديعه=او لهايب حرب فارس مع قضاعه
سربته تسري على العاتي سريعه=وبيتهم للي زبن حصن ومناعه
منزل الويلان والدور الوسيعه=دايم يظهر على راس الرفاعه
طبعهم خلا محبتهم طبيعه=مع هل الطولات وخيار الجماعه
كلمة تشهد بها حتى الرضيعه=وقلتها بالقوم عن علم وقناعه
ياخلف واعمارنا قرب ربيعه=شف بواريق الدجى يقدح شعاعه
رغم شدات العواصيف الفضيعه=مركب الوافين مايسقط شراعه
بأمر من فصل تعاليم الشريعه=وساق للمختار في خلقه شفاعه
ماقعدنا نشري الهرج ونبيعه=ولا وطينا البوق وخصال القطاعه
ولايعيب اللي وطى جمر الخديعه=قبل نسمع بالعرب لجنة دفاعه
المعايب مع هل النفس الوضيعه=حدته يمشي على درب الدناعه
دايم عرق الردى هذا صنيعه=والردى والبوق ماتزرع زراعه
وكلنا مانرتضي درب الهزيعه=ولعبة الخايب بها كذب ولكاعه
والرجى عند الجريح ولا القطيعه=دام نيات العرب ماله اشاعه
لاجل نفهم سكة الروح السنيعه=مانراجي بالعرب جلدة كراعه
ولو تضيع ارباحنا ماهي خريعه=مع رجال روحها ماهي رعاعه
الليالي ربحها يشبه رجيعه=لا سلم دينك وعرضك من ضياعه
وحكم خلاق البشر غصب نطيعه=مانبدل غيبنا لو ربع ساعه
دام راسك للندى الوافي ذريعه=باقي الدنيا مع العاقل وداعه
والنفوس السافله ترجع صريعه=وراح تسمع صيحته عبر الاذاعه

هلا وغلا بالويلان

وكل الشكر والتقدير لمروركم الكريم