تركي2000 و عبدالله جريبيع العنزي
اسعد الله اوقاتكم بكل خير
هذه المحاوره جرت بين الشاعرين تركي 2000 & عبدالله جريبيع العنزي اليكم المحاوره عبدالله جريبيع مرحبا ترحيبتن نورها يجلى الظلام ****** عند ربع (ن) بالمواقيف حيه نارها اجتمعنا يالمطيري على عز وسلام ****** ياعساها كل ليله وهذا شعارها تركي 2000 البقاء والمحترم ماله الا الاحترام ****** والرجال اللي تقدر لها مقدارها اجتمعنا واجتمعتوا على حسب النظام ****** ان بغيت يمينها وان بغيت يسارها عبدالله جريبيع الله يحييك وانته عزيز ولك مقام ****** وكل عاقل لالقاء الطيبه يختارها العلوم كثار لكن خلك بالسنام ****** الرجال الطيبه ماتبيح اسرارها تركي 2000 ماعليكم زود بالفعل والا بالكلام ****** مار راع البندقيه يحفظ عيارها العلوم اللي سوات الهواء قبله وشام ****** ماتهم طوالها ماتهم قصارها عبدالله جريبيع انت رجال ثقه من خوال ومن عمام ****** والعرب سيان والفرق حسب انظارها خل شوفك فوق بين الثرياء والغمام ****** والعلوم المبهمه لاتفك اصرارها تركي 2000 مانويت الطق والطق فكاك اللحام ****** مار رد جنازة ابليس ياقبارها انت رجال تعرف الحلال من الحرام ****** لاتخيل الا مزونن تهل امطارها عبدالله جريبيع انت لو تعيل ياتركي يلحقك الملام ****** وكل قومن بالمواقف تفك ديارها انت متولع بليلى وذابحك الغرام ****** والليالي ماتعلم بكل اخبارها وسلالالالالالامتكم |
الاخ عبدالله الثابت .....كل عام وانت بخير
شكرا على نقل هذا الخبر والله انك جزل لذلك تقبل تحياتي |
عبدالله الثابت
اسامي كبيره وطرقهم منتاااااااااااااااااااااااااااز زودنا من هالمحاورات ولاتنسانا ياعبدالله محاوره كبيره ومعانيهم مدفونه |
عبدالله الثابت
عشت |
اخواني كل من حمود نايف العرندس هادي معزي اشكركم على مروركم وبصراحه محاوره جميله جمعت عملاقان وشاعرا متميزان تقبلوا تحياتي |
الاخ عبدالله
تسلم يمينك على هذا النقل المميز لشاعرين كبار ورائعين عبدالله جريبيع وتركي 2000 اسامي لها بصمتها ووجودها في ملاعب المحاوره انت متولع بليلى وذابحك الغرام ****** والليالي ماتعلم بكل اخبارها صح لسانك يابوتركي ولاهنت على هالرد الجميل دمتم بخير |
مشكور اخوي عبدالله
|
| الساعة الآن (07:50 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه