°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - (( ما اخون حبك )) ... ابو شقى !!! (http://www.weelan.com/vb/showthread.php?t=2908)

(( ما اخون حبك )) ... ابو شقى !!!


	اخواني واخواتي اعضاء ومشرفي هذا الصرح الشامخ اعود اليكم ومن جديد احمل اليكم هذه المتواضعه التي ارجوا ان تحوز على رضاكم واستحسانكم بسم الله ابدء عـيا مـنامـي يداعــب الجــفـن بالنـوم=وعـيت هجـوسـي بحـبكـم تسـتكينـي ارسـلت لك ياصـاحـبي شـرهة اللـوم=ياكـيـف تـزعــل دون مـاتـسـتبــينـي ارفـق على حـالـي وتركــد ولــو يـوم=ارفــق تسـمـع حـجــتـي ياضـنـينـي اسـمع عـلـوم بخـاطـري عايمه عـوم=اسمع علـوم(ن) رافقـت لـي سنـينـي هـمـي انا ياصـاحـبـي زايــم(ن) زوم=كـل مااطـرده يغــيـب ثـم(ن) يجـينـي وكــل مـايـجــيني دبَـل الهــم بهــمـوم=ويزيـدحـمله حـمـل قلـب(ن) حزيـنـي قلب(ن)شقي(ن)بالحـزن دوم مسموم=لـين الشــقا اصـبـح عـلامـه بجبـينـي وشوفواعلى اسمي بروقه على الدوم=( ابو شـقـى ) اقــولــهـا فـي يقـينـي ماهـو تــشـاؤم لكـن الـحـظ مـشــئـوم=ودروبــي الـعــسـرات عـيـت تـلــينـي وهًـم الزعـل ياصـاحـبي كمـل الكـوم=كــمـل شـــقـاي بـدنــيتـي ياحــنيـنـي ارفـق على قلب(ن) جفى جفنه النـوم=ولاتــزود حــزون(ن) بطـت تحـترينـي ماأخطيت انا في حقـكم ياضنا القـوم=ومـن الـخــطـا واللـه بـريــه يـمــينـي ماسـارت الـيمنى على درب مـذمـوم=ولاسـارت اليـسـرى بخطاوي قرينـي وأعـرف انا قـلبي واذكــر لـه عـلـوم=لا صـــد مـاينــفـع ولــو تـشـــتريـنـي ياصـاحـبي ارجـع على قـلـب محـروم=قـلـب(ن) يـودك بالهــوى لـك رهـينـي والا تــرى بـشــد لـلــفــرس والـــروم=واصـــير مـن شــلة عــيال الـخـمـينـي والله لو احلف واسـند الحلف بسـلـوم=مااخــون حــبـك بالهــوى ياضــنينـي هـذا كـلام(ن) احـسـمه قلبـي حـسـوم=وبه خـطـت الـيمــنـى وبـه تســتكـينـي وسلااااااااااااااااااااااااا متكم الشاعر متعب بن مايح المضعان

الاخ / متعب الضعيان

صح لسنك وسلم بنانك على (هـ) القصيدة الرائعه

ولي الشرف بأن أكون أول من عانق مفردات هذه الرائعه

وتقبل فائق تقديري وأحترامي لشخصك الكريم

ولا تحرمنا من ما في جعبتك من قصائد

ودمت للويلان بخير وعافية

متعب المضعان

صح لسانك

وشكر لك لطرحها في منتديات ويلان لتعانق جميع اعضاءه

وانت سالم وغانم انشاء الله يامتعب

وصح لسانك مليوووووووون ولا يكفووووووووون

رائعه بروعة حضورك

وتقبل

الاحترام والتقدير
اخوك
المطرفي

وأنت سالم وغااانم ياامتعب

صح لساانك مليوووووووون يالمضعاان

قصيدة راائعه يالغاالي

الله يعطيك العاافية

لا تحرمينـــا جديـــدك

متعب المضعان

صح لسنك

وسلم بنانك على هذه القصيدة الرائعه

تقبل تحياتي

متعب المضعان

الله عليك وحضور جميل يشفع لك غياب لاهنت

قصيده جميله الله يعطيك العافيه

ماهو تشاؤم لكـن الحـظ مشئـوم
ودروبي العسـرات عيـت تلينـي

وهًم الزعل ياصاحبي كمـل الكـوم
كمـل شقـاي بدنيتـي ياحنيـنـي

ااااااالله عليك مبدع ورائع بلا شك

صح لسانك ولاهنت

دمت بخير