يا رجم ِ ياللّي شامخ ٍ في معالِيك=عيّنْت خلّ ٍ دايم الـدوم ِ يوفـي
وين الحبيب اللّي ظلاله تباريـك=اللي يجيلـك ينتظـر بالوقوفـي
ياما تمشّى بين حزمك وواديـك=وياما توطّا فوق ِذيـك العدوفـي
يارجم قلّي وين خـل ٍ مخاويـك=اللي يجيلك في محلـك يطوفـي
نوب اشوفه في ظلالـه يغطّيـك=أبـو جديـل ٍضافـي ٍ للردوفـي
وأحيان نور ٍ زايد ٍ فيـه يعميـك=حتى تقول الشمس صابه كسوفي
جمعتنا يارجم مـن دون تشكيـك=مار الزمن والوقت غيّر ظروفـي
وهذي هي الايام لابـدّ ِ تجزيـك=مع الليالي تقتلـب فـي جنوفـي
لفيتك أنا ولاظن خلّـي يناجيـك=ولاظنّتي يا رجمنا لـه نشوفـي
وش عاد لو هو دايم ٍ في محاريك=أمر الولي امقـدّر ٍلـه يحوفـي
اقفى لربّه طاهـر ٍ راح مايجيـك=عساه بجنـان ونعيـم ٍ يروفـي
نشدتك انا يارجم وهالحين أنبيك=خبرتك أنا واطلعت كل الحروفـي
وبالله خلّـك لاتقـدّم تعـازيـك=يكفي دموعي زايده في ذروفـي
خلّي توفى وعمرها بيـد باريـك=هذي مقادير الزمن والصدوفـي
ماباقيـن ياغيـر ناتـي نسليـك=واذكر خياله بين نـور وطيوفـي
ومن عقبها يارجمنا لو نحاكيـك=ماعاد ندلـه بالهنـا والشفوفـي
خلّيتنـي يازيـن وأنـا اراجيـك=خلّيتني في دنيتـي وزاد خوفـي
ومزن ٍ لمحته فوق قبرك يشاديك=جعله يهلّ وبرقها لـه رفوفـي
على ثراك وكلّ ماهـلّ يسقيـك=يخضر بجاله من جميع الصنوفي
وحلفت أنا مانساك ولاني بناسيك=حتى تروح الروح وللحق نوفـي

فهد المسيكي

جمعتنا يارجم مـن دون تشكيـك
مار الزمن والوقت غيّر ظروفـي

بين الرجم والعشاق والشعراء عهدٍ ازلي
شهد تنادمهم واشعل فتيل حنينهم
وأستومن على اسرارهم وكان سفيرا يمنحهم
خيالٍ واسع وبوح مؤثر00


صح لسااااانك على هالابيات الجميله
التي تنطلق من ارضية الاصاله

دمت بخير

كل الاحترام والتقدير

المشاركة الأصلية كتبت بواسطة صالح الضويحي جمعتنا يارجم مـن دون تشكيـك مار الزمن والوقت غيّر ظروفـي بين الرجم والعشاق والشعراء عهدٍ ازلي شهد تنادمهم واشعل فتيل حنينهم وأستومن على اسرارهم وكان سفيرا يمنحهم خيالٍ واسع وبوح مؤثر00 المسيكي صح لسااااانك على هالابيات الجميله التي تنطلق من ارضية الاصاله دمت بخير كل الاحترام والتقدير

المشاركة الأصلية كتبت بواسطة متعب المضعان ياسلااااااااااااام الله عليك يافهد والله ابداع وصح السانك ولاهنت ... اخوك متعب المضعان

المشاركة الأصلية كتبت بواسطة المطرفي المسيكي صح لساااااااااااااانك وسلمت يمينك قصيده جزلة من راس جزل والله يرحم كل من مات ويتغمده بوافر رحمته ومغفرته ويجمعنا بهم في نعيمه وفسيح جناته تقبل الاحترام والتقدير