يابو رجاء جاوبت ذيب عـــاوي = اسمع صدى صوته من الشرقيه
فزعت فزعت راشد الخــــلاوي = يوم(ن) جــــاره قـــدّ بالجـنـبـيــــه
الهاجس اللي زارني مايـــــاوي = اسرع من الايميـــل والبرقــيـــه
يلعب على قلبي سواة الهـــاوي = للسامــــري والعرضه النجديــه
ماكني الا يافـــــتى عـــــلاوي = بالديره اللي بالمحن مــبــلــيـــه
الصدر وابو مصعب الزرقـاوي = كلن يحــــد السيـــل في واديّــــه
حلمه يتيم(ن) ما رواه الـــــراوي = الدار غــــبرا والذخيره حــيــه
يالله تكــــفينا من الــــبـــــلاوي = ويالله تعطينا صلاح الــنــيــــــه
يامسندي والريم غض(ن) غـــاوي = يلعب على كيفــــه بهالمحميــه
يوم نشدته قال لي شرقــــــاوي = واول حياتي عشت بالغربـــيــه
قلت الغريبه لهجتك نجـــــداوي = واصبـــح يجاوبني بلا جديــــه
وارخىهدب عينه على الرهاوي = وانا اعزل واقف بطلق يديـــــه
يضحك برمانه وجمر وجـاوي = يفوح في اجـــواءه العطريـــــه
والوجه نور الشمس توه ضاوي = حتى الصـــــلاه بوقــتها منهيــه
نوره وفوق النور لـيـــــل(ن) داوي = يضيع فيه الــبــدو والطرقـيـــه
والوسط مبروم(ن) طواه الطــــاوي = والجيد حي الجــيـــد يالله حيــه
من دون هالمجمول جرف(ن) هاوي = وعليه حطــــو عسكر ودوريه
ومن دونه السيف السليط القاوي = يشيل ر اس المعتدي عن غيـه
صد وتركني مـادري وش ناوي = الضاهر ان المشكله حتميـــــه

من دار أبن جمجوم واللنجاوي =والكنـدره وغليـل والشامـيـه
جاني جـواب متيـم ومهـاوي =عليه من وسم الهـوى ماريـه
يجر صوته بأعـذب الغنـاوي =لاجا الصبـاح وحـزة العصريـه
وجاوبت صوته صادقٍ شفـاوي =النـار حيـه والمشاعـر حيـه
أكتب له أبيوت الشعر رهـاوي =وأتعب على الاسلوب والنوعيـه
وأضيف حبكٍ للجمل متسـاوي =أيضاح في قالب مـن الرمزيـه
وأرسم لها خطه وفكري هاوي =على غـرار الخطـه الخمسيـه
ياصاحبي .. دامك كذا نخـاوي =القصد واضـح والحجـج متليـه
خل الكبيسي ويوسف القرضاوي =وأسمع فتاوى الشيخ أبن تيميـه
كم واحد قلبـه مـع المنـاوي =عاف السنين وحاجتـه منسيـه
وكم واحد قاسى من البـلاوي=عمره مديـد وحاجتـه مقضيـه
وكم واحـد غرنـه الهقـاوي =غتره ديلوكس وساعه وطاقيـه
وكم واحد فأهل الهوى فـداوي=عانى مـن الاحبـاط والنفسيـه
الحـب داء فالقلـوب يخـاوي =ذوي النفـوس السـذج المبليـه
ويثر على الرجال لين يـراوي =ويدخل عوالـم غيـه السحريـه
أنا من أسبابـه وطرقـه داوي =أمشي شمال وحاجتـي شرقيـه
واليوم عن درب الهوى جلاوي =جريت دلوي ثم طويـت أرشيـه
وأختامها طيبٍ ومسك وجـاوي =وهيل ومسمـار علـى البريـه