وا هني منهو تخرّج ولا شقى أيام الدراسه = كل يوم ٍ ماتعذّب بين همه والمشاكل
وعزّي لمثلي شباب ٍ مار شاب اليوم راسه = من كثر ماشاف والله قلبه اليوم امتآكل
مانفعني كثر فهمي ولا استفدت من الفراسه = حظي ماقام ليّه منجدع وسط المراكل
من (سي بلص) والله راح عقلي بالتماسه = وإن سلمنا من غثاها طحت راجع (بالأوراكل)
ذي لغات وزود تلقى شي مثله بالخياسه = اتنوّع مانعرف له بكل ترم ٍ اتّشاكل
والبلا بمنهو تولّى أمرهن فيه النجاسه = ماعرف قدره ومثله ماتسرّحه بالسواكل
لو سلمت منهْ مرة غير يهفيك بمقاسه = غير تاقع بالمهافي واعرف إنك غير تاكل
ودام علمي مسلّمينه وصار هذا اليوم ساسه =عزي لأجيال بعدي تاتي سوات الهياكل
ويالايمي بالله دوبك غير ترجع بانتكاسه = لو تلوم اليوم والله من بعدها تعود ناكل

المشاركة الأصلية كتبت بواسطة م.عبدالله الملحم صح السانك فهد صراحهــــ ماشاء الله عليك كفيت ووفيت من (سي بلص) والله راح عقلـي بالتماسـه ............. وإن سلمنا من غثاها طحت راجع (بالأوراكل) سي بلس بلس ................ اااااااهـــــ ............. يا شينها شيناهـــ بس اوراكل و الله حبيبه بس انت جيت على الجرح يوم قلت : والبلا بمنهو تولّى أمرهـن فيـه النجاسـه ..... ماعرف قدره ومثلـه ماتسرّحـه بالسواكـل لو سلمت منهْ مرة غيـر يهفيـك بمقاسـه ..... غير تاقع بالمهافي واعرف إنك غيـر تاكـل صراحه .........ز ذكرتني بايام و ايام الله يذكرك بالخير يالجامعه فهد القصيده اعجبتني حيل واسأل الله انه يوفقك في كل خطوهــ و صح السلانك مره ثانيه تحياتي عبدالله الملحم

المشاركة الأصلية كتبت بواسطة مصلح النشمي . فهد سلمني على السي بلس ==== تراني دافور من البي وفوووق دايم خخخخخخ صح لسااانك يالغاااالي وسلمني على الدراسه ((ابي اقهرك ياربي لك الحمد متخرج وخالص ههههههههه

المشاركة الأصلية كتبت بواسطة تركي صالح الاخ الشاعر / المسيكي روعة يالغالي منتهى الروعه والجمال قصيدة تحمل الكثير من الجمال والقوة صح لسانك وسلم بنانك على هذه الرائعه ودمت بكل خير وعافية