يا غناتي قربي والعمر فاني = جيتلك درب ٍ ممراتة مخيفه
يا بعد كل البني عشقك ملاني = لين صرتي جرح ما يدمل نزيفه
أشّهقك بالشوق وأزّفرك بمعاني = كل عين ٍ ما تناظرلك كفيفه
يا غناتي يا بعد حالي تراني = أحّظن الشيطان لعيونك وأضيفه
لايهمك هرج ذاك المودماني = يعشق " الطفسه " وله عشّر النصيفه
لو يحاول يّطحن متون الأماني = والله " ليبطي عظم " حال ٍ كسيفه
دام حمّاد الولي شاكر وثاني = وشله " بجحدر " لو أنه شال سيفه
ما أصدق غير بعيوني وأذاني = حين رجّاف الردا.. يعلن رجيفه
ما ألوم الذيب لو شفته أناني = دام يزهد ما نهش بجنوب جيفه
وين أوّجه يا شموخ العنفواني = دام حتى بالشعر توجد هديفه
يا بعد روحي معانيها السماني = عيب أخليها أذا صارت ضعيفه
تعرفين أني بعذّلك .. ما أداني = وصدتك أم الكوارث يا ... لطيفه
دام من شالك نسيم القحوياني = وبسمتك من حسنك أتفجر قذيفه
أقلب الدنيا على قاصي وداني = كل " مسترزق " أحرمه من وظيفه
" شيخة " آخر وقت صارت ...كان ماني = لو تشجعها " رشا " تكره " منيفه "
شخص" ماقس " يستندبه " مطرباني " = ما يحب الولف يضحك له وليفه
" سولة ٍ"بصدورهم بين المحاني = تفرز من الحسد ضخاتٍ .. كثيفه
مصّلحتها... بخرجها... عند السواني = تحتميها... بالنقاشات... العنيفه
شيختك يا " هنووووه " شيخة شقلباني = عذرها في جيبها ..يعني ظريفه
كيف جيت...؟ وكيف لميت العواني .؟= كأنها هرجة " خبيل " بلا طريفه
غرّك التطبيل... وأعّمتك المباني =لين قمت أتشوف في حالك.. خليفه
عايمه .... وأتّقنت دور البهلواني = وجهك أنّظيف حيا غسّــل ... بليفه
ما جهل ممشاك يا العفن الهداني = غير من ترجي عيونه برق صيـــفه
يا غناتي .. يا غناتي ... يا أماني = يا أساس العشق .. والعشق ورديفه
عارفِ عشّقك.. حواني وأحتواني = وأنّعش بدمي أحاسيسٍ .. رهيفه
نظرتك ... تنّثر على جسمي ثواني = " قشعريره ".. لا ثقيله... لا خفيفه
شارعك ..لامن مشيتيه ...بهواني = يحّقد.. " أزفلته " على دوسك رصيفه
ومشّيتك في سوق تبدي وضع ثاني = تفترسك عيون نظرتها ..أليفه
كن بالسوق.. أحتفال.. ومهرجاني = من دخلتي فيه ... صرتيبه عريفه
لا يهمونك... وأنا سهيل اليماني = ما جهل في موقعي خصم وحليفه
علميهم قولي أنت ....ألي كفاني = لأجل تصبح شيفه ... الملعون شيفه
أقربي .... ما للغلا حد إئتماني = والنوايا ... ألي تجمعنا نظيفه
يا غناتي.. أقربي والعمر فاني = وأحضني دربٍ ... ممراته مخيفه