تنسيق محاورة / القايد وصلاح المناور
القايد :
يامرحبا ردت(ن) يبدى بها القايد على اللي حضـور ......................................من هاجساً يشري الجـزلات بالجـزلات ويجيبهـا ياصاحبي ياصـلاح العلـم توالعلـم والحـق نـور ..................................وان جتك غلطه من الاصحاب مدري وش تسوي بها صلاح المناور : دام البقاء فيك يالقايد عدد مافاح ريح البخور .......................................واهل الوفاء والشهامه ما تخلاّ عن مواجيبها ندمح خطا صاحبن طيّب ولا ندمح خطا لمعثور ...............................................وال نفس ما تطلبه لازم نقضّيله مطاليبها القايد : الله يحييـك ياصـلاح والدنيـا تلـف وتـدور .............................واشوف ناسا عن الاصحاب ماكفت مشاعيبهـا والمشكله كان علة صاحبك تصير وسط النحور .............................وتكثر عليك الدعاوي ماتميـز وش مطاليبهـا صلاح المناور : اللي يكمل مواجيبه تري ما يلحقونه قصور ..............................لو كان بعض العرب يالوايلي بانت عذاريبها لو كان علّة نحر ماتلتفت صوبه طوال الشبور ..............................واهل اللحا ياطويل العمر دايم دون اشانيبها القايد : صدقت لكن نشوف اليوم بعض الناس فيهم غرور ...........................والنفس مع البشر بيـن البشـر يـزود تعذيبهـا والثانيه لاتقول العلم صار اليوم عنـد المـرور ........................واللي يبي يحتميها نـوب يخطيهـا ولا يصيبهـا صلاح المناور : من ذل نفسه يعيش اليوم مابين الرجال محقور .......................والنفس لو ما تستّر حالها محدن ستر عيبها لو كنت رجلن جنوبيّن ولاني من وساع الصدور ...........................ما كان طالت سوالفنا ولا طالت مكاتيبها القايد : ماكل طير(ن) يطير يقال هذا الطير ضمن الصقور .......................والذيب شاته يجيها بين أهلهـا ثـم يسريبهـا لاياالشمالي توقع والنقط تصير فوق السطـور ...................لايضيق صدرك ترى دنياك محدن كاشفا غيبها صلاح المناور : الملح الاسود مع البارود لو جاته شراره يثور ..........................وصقورنا ياولد دايم عشاها من مخاليبها العود محني ظهره اليا قعد صعبن بعدها يثور ....................والناس زادت مشاكلها ولا صفيت مشاريبها وتقبلوا صادق الود . |
الاخ / نمش الشمري
لك كل الشكر والتقدير على هذا الاجتهاد وهذا التنسيق لمحاورة الشاعرين/ القايد وصلاح المناور وتقبل فائق التقدير والاحترام ودمت بكل خير وعافية |
لا هنت يا أبو صالح
وهذا واجبنا حياك الله |
القايد
صلاح المناور بيض الله وجيهكم بصراحه طاروق مثمن وابداع محسوب لكم وشعراء بمعنا الكلمه وتستاهلون ان الواحد يتابع لكم بالمحاورات القادمه لاتحرمونا من ابداعكم ونرجوا تواصلكم وحضوركم المشرف تقبلوا تحياتي |
يا سلام
أبدعوا لم أستطع الحضور ولكن قرأت المحاوره واستمتعت شكرا للشاعرين وللجميع |
شكرا على الحظور
ياذيب سلمى... ( أن تصل متأخرا ... خير من أن لا تصل أبدا ) |
الله يعطيك العافيه يابو سامي علي هذ التنسيق لمحاورة الشاعرين/ صلاح المناورو القايد ولك كل الشكر والتقدير على هذا الاجتهاد دمت بكل خير |
| الساعة الآن (05:18 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه