يالله يا اللي بعرش علياك دايم = يا غامر ٍ كل العباد بنعيمه
يا رب يا فراج كل العظايم = وعفوك مراد ٍ للنفوس السليمه
يارب تغفر للزلل والجرايم = والا خطانا ما رقى للجريمه
ترفض عبادك مدلهم الظلايم = ولا يرتضي بالظلم ناس ٍ كريمه
من طول الغيبات جاب الغنايم = وأبيات شعري بالمحافل غنيمه
حب الشعر لا زال بالقلب قايم = وفي كل موقف مارتضى بالهزيمه
من مطلع الألفين لليوم هايم = بحب القوافي والمعان العظيمه
في داخلي شعري يشد العزايم = ويهد قوة حاسدي والعزيمه
فعلا ً تجي من نام زود التهايم = وجرب تنام وتنبعث لك ظليمه
أثر التهايم تقتفي كل نايم = من اللي طعن وأفكار راسه سقيمه
في مولد الأشعار نذبح تمايم = وأحرق قلوب اهل الحسد والنميمه
حتى تجي النيران تصلى حمايم = تصلى القلوب الحاقده واللئيمه
قاف ٍ يشادي بالعذوبه نسايم = ولا احد ٍ يجي من قو طرحه خصيمه
لأهل الحسد والله ما كنت لايم = ولا ينحسد شخص ٍ على غير قيمه
بديت صدر البيت في قاف آيم = وأنهيت عجز البيت في قاف إيمه

الرائع دائماً والمتألق دومً

الشاعر / مشعل الفدغوش

سلمت ودمت ودام صفاء بوحك الراقي

الذي رقى بهذه الرائعه الى مرتبة الشرف

لتتمكن من قلوبنا بروعتها وجمال أبياتها الساحره

وهذا ليس بمستغرب من شاعراً أبدع بجمال الكلمه

وروعة القصيد لترقى الى أعجاب المتلقي بما يكتب

الشاعر / مشعل الفدغوش

صح لسانك وسلم بنانك

وتقبل فائق التقدير والاحترام