الســـــــلام ولا سهى القلب عن ذكر الاله =ربـــّـنا اللي نـــــــــّزل اقـــرأ وعلم بالقلم
جلّ شـــــانه في جــــلاله تبارك في علاه =منـــفرد بالغــــــيب يعلم ولا غــــيره علم
نسأله عطــفه ولطــفه صــمد محدن سواه =صـــــوّر الانســان وانشأ وجوده من عدم
نطلب الجنة و نـــرجي مــــن النار النجاه =في نهــــار فيه خصــــم إذا خاصم خصم
فوق عــــرش مطّلع يستجـــيب لمن دعاه=ناصــــر المظلوم منـــزل عقوبة من ظلم
القــــمر خمـــسة عشــر مستهلٍّ في سماه =في جمــــاله في كمــــــاله تهــــلل وابتسم
والوطــــن فأيــــدي أمينه ترتب في حماه =ذخر فكــــاك الركـــــايب ليا أزبد والتطم
البـــطل يذكـــــر ويشكر على سعي سعاه =َبالعزيـــــــمه جاب ما غـاب يوم انه عزم
أعلن الوحــــده بيوم مـــــلا الدنــيا صداه =رسمة الخـــــطه على عــــين رسام رسم
ثبّـت المبـــنى على ســـاس يرحم من بناه =صـرح شامخ ما تزعزع كـيان ولا انقسم
الموســــس من نشــــــد عنه تكفيه الرواه =واســــأل التاريخ والوسم واسـم اللي وسم
اســترحنا تحت أمــــانه ونمــــنا في ذراه =تو ذقــــنا العافـــــــيه تــــو ما ارتد النسم
البشـــير يجيب بشــرى ويفرح من نصاه =ابشـــروا بالخـــــير والشـــر ولى وانهزم
الوطــــــن عهدة فهد ما مشى الوالد مشاه =حــــارس مامــون دون المحـارم والحرم
له علـــينا مبايــــعه و الــــــولا والله ولاه =من وفى بالعــــهد للفـــــهد والله مــــا ندم
يوم جــــــنّدنا لمـــــبدأ رفــــــــيعٍ مستواه =نخـــــــدم الإســـــلام ولخـادم الكعبه خدم
مرخــــــص الغالي لشعـبه وهذا من وفاه =رافــــع المبنى للأوطـــــــان يبني ما هدم
مكرم يعطي ونعطي العــــطايا من عطاه =كاسب المعروف رجـــــل المرّوه والكرم
الكـــريم ليا حلب في قـــــدح فاضي ملاه =راعي الكـــرمه فــهد والفــــهد حر وشهم
دين ما مثله ترعـــــــرع وحلّق في صباه =يافعــــيٍّ ينـــــزع الحــــق وان غار انتقم
طلعته طلعة سعــــد نـــــادرٍ يحــــمد ثناه =بالشجـــــاعه والبــــــــراعه تحـلّى واتسم
داهيه وله الـــدواهــي تخضّــــع من دهاه =ما ترقــّـــب في قـــــراره ليا قـــرّر حسم
الوطـــــن ينخى فــــــهد واهني اللي نخاه =نخوته في ساعـــــة الضيق نخوة معتصم
الوطـــــن يندب فـهد في رجا الله ثم رجاه =ينقذه من غــــــــدر قــــوم وعمـــيل متهم
للوطــــن حنّا فـــــدا والوطـــــن حنّا فداه=الزعــــــيم اللي عن الـــديـن فتّر واحتزم
يا ملك نعـــــم الملك يا ملك نخــــوه وجاه =بالمـــــــمالك يا ملك كنّك الطـــــود الأشم
عادتك يا ثالم الســـــيف من روس الطغاه =يا عســــــاه الكســـــر سيف يعلق ما انثلم
خل شـــامـــان يعلج لا تـــــــردّه في خباه =لين يــــروى من حجــامة سقيم ما احتجم
عند باب الحـــــكم سيّاف والحـكم الصفاه =من تهـاون واستمــــع شور غيره ما حكم
المواغي تنشــــــــر العــدل وتْعمر الحياه =يستـتب الأمــــن بالســـــيف وذراع عسم
حفـــــــلنا الليـله يليق بمكـــــانة من رعاه =نايب القــــــايد ولي العـــــــهد راع الشيم
مرحبا باللي حضـــر واسعد الباري مساه =ركن نجد وركن من يزهـــمه وقت الزهم
شيخنا عـــــــدل المنـــــاكب وقاه الله وقاه =سلــــمه ربي لخـــــــدمة بــــــلاده والعلم
في سبــــيل العــــز بالعـــز معقــــود لواه =مقدم الهيــــــــجا ليا عــودوا خلف الزخم
طــــيّب الذمــه كســــاه التواضع واكتساه =ما تباهى وافتـــــــــخر بالتبــــجح والفخم
انزعل نزعل ونزعل ونرضى من رضاه =وان تألّمـــــــنا تألّـــــم وشاركـــــــنا الألم
له عهــــــود وله جــــــنود تقــدّر له غناه =في لزومـــــــه يتبع الصــف صف منتظم
ســــــيدي يزهابك الشعـــر ما مثلك زهاه =شاعر نظـــم من الشعــــر واسمع ما نظم
مخلــــص يبعث شعــــــوره لعله يا عساه =يشـــــبع المعــنى ويحظى برغبـة محترم
سرت بالتوفيق و يســير من سارت خطاه =في طريقك يمسح الدرب عن شـوك السلم
أبو خالـــــــد كــــم يتـــــيم تبـــــنّاه ورباه =متعه عـــن و الديـــــــنه وســـلّي وانسجم
يرحـــــم المحـــروم سلطان ويخفف عناه =صُخــــرة الرحــــمن والله يرحم من رحم
طال عمـــــره ما يســـــويه من خيرٍ كفاه =عن صــــــواديف الليالي ودعسات الرمم
ما يخطــــط للعـــــروبه يثـــــــير الانتباه =يا رجــــال إن الفرص يــــوم تسنح تغتنم
انظروا بالوضـع و استمعنوا ويش السواه =لا يضــــيع الراي ونطـــيح ويطيح الهرم
يجـــــــري المــاء من تحتنا نراه ولا نراه =العرب تســـــبح على أمواج بحر ماه اضم
العلــــيل إن طـــــوّلت علته يصعب دواه =يسهر الممــــرور ويموت من طول السقم
والورم يكـــــبر وظنّــي طبـيــبه ماحتواه =كل ما يـنـــــزع ورم بالجســـد يطلع ورم
الوطـــــن ما هوب مرتع خراب لمن بغاه =نحتميه وقــــد حميـــــــناه من روم وعجم
انتفانى له ونمـــلى المقــــــــــابر في ثراه =والزوايــــد من نصــيب الحنادي والرخم
من توهق ثم غــــــزانا لعــــن غزوٍ غزاه =أرضـــــنا ما للعـــــدو فوقـــها ماطى قدم
الوطـــــــن منّـــــا وفينا ولا نلحق جــزاه =الأمـــان ولقمـــة العيـــش من حمـر النعم
امة التوحـــــــــيد حــنا وحنا أهل الصلاه =والزكـــــــاه ورمز الإسلام من بين الأمم
لو طغى راع الهـوى ما مشـــينا في هواه =ما نطــــــيع أفكــــار ملحد ولا نعبد صنم
من يقــابلنا بحــــــجه نحــــــجه ونعصاه =بالدلــــيل نخاطــــــب النــاس لا وألا نعم
ما طـــــــرقنا بالاذاني لوشــوشــة الوشاه =قافلــــــين الباب عن كـــــل كـــــذاب هَيَم
قامـــــت أربــاب الســــوابق تستّر بالعباه =عن عبـــــاة الديــــن يخسون هافين الذمم
كيف رب البــــيت ما يدري ألا عن عشاه =هو تعــــشّى هو تغــــــدّى على رز ولحم
والخطروالموت بين الغـرف يطحن رحاه =ما وعى في مرقده لــــو يشـــــرّك له لغم
الأبــــــو مســــــؤول عـمّا يدبّر من وراه =ســــارح في غفلــته لا همـــــوم ولا همم
لو يضــــيّع شــاه كدّر على أهله وقصراه =والشـــباب يضيع ويقول مل ضاعت غنم
الولد يطــــلع ولا قـــيل ويش اسم ازملاه =اجتــــــماع الــــذل والـــعار والتفكير أهم
صنّـــع التخريب شين الطبوع ومن خزاه =انطلــــق به وانتـــــحر بعد ما ظن وزعم
نه اقــــرب للنبي وانه اقــرب من عصاه =من هبـــــاله في خيـــــاله شهــيد ليا هجم
الشهـــــيد اللي عن الدار ياقـــف و يحماه =من يميــــنه في صــدور العدا يرسل سهم
كان ما للجــــاهل احــــدٍ يـردّه عن خطاه =ما بقى عاقــــــل ولا صـــــار للدنيا طعم
غالب الإحســــاس يذهـب حياته في شقاه =الشقي ما يــــــدرك الحــــلم خيبة من حلم
مسّ ســـرج إبليس وأطلق عنانه وامتطاه =بالخـــــــراب الخايب أما سرى والا جهم
منحــرف مفســـد مراهق موجّه من عداه =غــــرروبه واغــــدروبه عســــاهم للوهم
امســـحوا مخه وساقــــــوه عكس الاتجاه =أصبح المخدوع وامسى عمى وابكم واصم
العــمى عــمى البصــــيره وهذا من عماه =العـــمى ما هو كفـــيف البصر دين وقسم
بس في فـعــل الردى من ومره ومن نهاه =الغــــــباوه للغـــــبي لو يفـــــــــهّم ما فهم
رايــــــــحٍ للـهــــــاويه سرمـدا ليله سراه =يســـــــري المنــــجوم ويكذّب انه ماانّجم
الهــــــدف مشــــــبوه والمشتـبه بين رداه =للخســـــــــاسه طــــافي النار سُلم واستلم
خارج المــــلّه مــــــرق يوم ربي ما هداه =بالمصــــايب والكــــوارث نسب كل القيم
تاجـــــب اللعنه على محـــــدثٍ جانا بأذاه =نشــــــهد انه خـــــان بأمانته وأجرم وأثم
ومن آواه ومــــن رضـــي فعلته تبت يداه =وجـهه اسود كح واسود سواد من الفحم
ما ورى كبش الفـــدا لــــو يقاد إلى الذكاه=والكـــــــلام بخـــــاتم الأنبــــياء تم وختم