امس الضحى عديت في مرقب الطير= الي ليشاف الحبـاري ذبحهن
هموم قلبي مثل صفق المعاصير= احب شـوف الوضح وقلبي يـبـيهن
الله يلوم الي يبيـع المغـاتير= يـرتـاح قلبي يوم اطالع ذراهــن
يا حلوهن ون جـت ليالي المخاضير=وعيالهن اصـغار يمشن وراهـن
ليروجــن في واديأبه نـواويــر=مثل ريح الطيب ريحة عبســهن
ليروجن طياحهن للمـقاهير=يا حـلو صوت الحوير الى حــن
ليصار شقح وضح وفيهن خواوير= وفحلهن واحـد وكلبوهن يضيحـن
مـاهن من الي يعذبن المداوير= يجـن على حـس المدوه اليا دن
تسمع وحيهن مثل حس البوابير= عجلات بالممشـى سريعات ون جـن
هن عـزنا ون جت ليالي المعاسير=عن الضـمى والجوع نشرب لبنهن
ليهب من وبـل الثريا شخاتير= اكب نمايه ثــم اتوبع نماهــن
نصبر على كثر التعب والمشاوير=ومادام انا ما مــت ونـا راعيـهن
نصيحتي يهل الوجيه المسافير= ليدهرن الوضح كثر عشاهن