البارحه ياخوك والفكر سالي = فز القصيد وقام دق التحيه
وجه حروف القاف صوب الشمالي = سلام للي عزوته وايليه
سلام احلى من حليب المتالي = من در وضحا مرتعه بالقريه
سلم على مشعل عريب الخوالي = حر عريب جدود مازي زيه
حر يروم النايفات العوالي = ويقلط على القالات مع كل هيه
منهو يجاري قاف غالي لغالي = الا اللذي له بالشعر مقدريه
وعند اللقا مشعل يجيب الثقالي = ثابت رزين ولايروم الرديه
ماقلتها من شان ميلة عقالي = ولاقلتها من دافع العنصريه
الحق حق بقولته ما ابالي = بالملعبه واثق وتملك هويه
لك لونك وطرقك ولا لك مثالي = والحر حر والحديه حديه
واقبل قصيدي والشمالي شمالي = صدره وسيع وصافي القلب نيه
وصلاة ربي عد وبل همالي = واعداد مزنه بارقه وارعديه