آفــــــة الذوبــــان
يا زاكي العرقيــن .. يا أعز منســوب = يا مرجع أنساب الوفــا .. والنظافــة أزعلت من شانك حكومات .. وشعــوب = ولا لحقني من زعلهم .. حســافة واللوم إبن عم الحسد .. والحسد ثــوب = لا طالت كمومه .. تشــقق كتــافه لــوّامتي بــك .. صاروا .. قروب وقروب = وإن زادوا .. أزيد بهــواك .. المسافة يعني عشــاني متعـب .. قلوب .. وقلوب = تعلــّــقي بك .. صار مثل الخرافــة بــس أنت غير .. وكل مافيك مرغــوب = والهــرج .. عقبك بالصبــايا .. سخافــة تحشم .. عن الرفلات .. والطفق .. والعوب = مخلوق كامل .. ما يبيلك إضافــة طيب .. وابن ناس .. ومسامح .. وحبــّــوب = وافي .. طبيعي .. ماتحب الكلافة أهيف حشــا .. مغنــاج .. رقراق .. غرشوب = مــزّاح .. سمح قبال .. ما بك لقــافة ميــّاس .. ليــّن .. مورد خدود .. رعبوب = ثقــل .. وعقــل .. وأبعــاد فكــر .. وشفافة هرجك .. مســافة .. جمرة اشفاتك .. دروب = خلطة عسل دوعــن .. بــ سكــ ركنــافة أما إنعطافــة خصــرك .. حكاية ــ بصــوب = يبغي لها .. شــرح .. ودروس بكثــافة ما أكذب لا قلــت إنــك .. مــربــرب .. ودبـــدوب = وما أكذب لا قلــت إنك زعيم النحــافة يا دوب .. أقاوم سحر عينيـــك .. يا دوب = ماني حمــل .. خصــرك .. لا زاد إنعطــافه اتركني أذنــب .. في عيونك .. ولا أتوب = ذنــبِِ .. ولا أحلا منــه .. كود أقترافه ذيــك العيون .. اللي بهــا بيــت مصبــوب = عيــن المهــا .. بين الجســر والرصــافه فيها آتذكــر ما ورا معتــق الطــوب = وقلوبنــا بين الأمــن .. والمخــافة وصــدري ..نــزاعات .. وعــداوات .. وحروب = وصــدرك .. صــراع الملك .. بعد الخلافــة والصمــت سيــّــد .. والحكي عبــد مغصــوب = والدم نازل .. بالعروق بــ كثافة والشوق جســم . وروح . طالب .. ومطلوب = واللون .. باين بالوجيــه .. إنخطــافه باللحظة هذي .. ينعدل كــل مقلــوب = وتقــرب .. وأنــا أقــرب .. منحــني بالتفــافــه وأذوب .. وأنت تذوب .. وأذوب .. وتذوب = واذوب .. وتذوب .. وذوبانــك .. آآآآفه إي والله آآفــه .. تثمــل العقــل .. بإسلــوب = يعجــز خيــال .. أكبر رموز الثقافــة ثمالة .. بنشــوة صحاوة .. بـ ماجوب = بـ علوم ظفــرة .. بإنشراح بـ ظرافة يا كثر ما منــّــك .. وما فيك .. والنــّــوب؟ = يبوني أســتطــول .. عليك المسافــة |
ابووووووووووووووفهد
مبدع في كل مجال بالشعر سمعتها ولم اروى منها وقراتها ومازلت متعطش لسماعها مطلق النومسي رااااااااااااااااائع بوصف الاحاسيس كمااااااااااااااا هي باللحظـة هـذي .. ينعـدل كـل مقلـوب // وتقرب .. وأنا أقـرب .. منحنـي بالتفافـه وأذوب .. وأنت تذوب .. وأذوب .. وتذوب // واذوب .:rolleyes::cool:. وتذوب .. وذوبانـك .. آآآآفـه مبدع يكتب لكي يرضي غروره الشعري يخاف من الشعر بالظبط تمام" بقدر مايحبه ومن يخاف الشعر بلا شك سيوفيه حقه عندما يكتب ابوفهد رغم انف الحروف الابجديه ستبقى في المقدمه دائم" ما أكذب لا قلت إنك .. مربرب .. ودبدوب // وما أكذب لا قلـت إنـك زعيـم النحافـة يحرء حرررررررررررررريشك على هالبيت ;) صح لسااااااااااااااااااااااااااانك مليووووووووووووووووووووووووووووووووووووووون دمت بكل خير |
المبدع بلا حدود / مطلق النومسي ( ابو فهد)
اقف بكل فخر لهذه الرائعة التي لا يكتبها غيرك مطلق مهما كتبت من تعليقات فهي قليلة بحقك ايها المبدع الذي ما ان تغيب حتى تأتي بما هو جديد تقبل تحياتي يابو فهد 0000 عبدالله المعزي |
وأذوب .. وأنت تذوب .. وأذوب .. وتذوب = واذوب .. وتذوب .. وذوبانــك .. آآآآفه إي والله آآفــه .. تثمــل العقــل .. بإسلــوب = يعجــز خيــال .. أكبر رموز الثقافــة قصيده جميله من شاعر مبدع بحجم مطلق النومسي صح لسانك يابو فهد ويعطيك العافيه ولاتبخل علينا بجديدك اخوك 00000 سلمان الردسا |
المبدع بلا حدود / مطلق النومسي
اقف بكل فخر لهذه الرائعة التي لا يكتبها غيرك مطلق مهما كتبت من تعليقات فهي قليلة بحقك ايها المبدع الذي ما ان تغيب حتى تأتي بما هو جديد مني الاعجاب كله |
هرجك .. مســافة .. جمرة اشفاتك .. دروب = خلطة عسل دوعن بسكر كنافة
باللحظة هذي .. ينعدل كــل مقلــوب = وتقــرب .. وأنــا أقــرب .. منحــني بالتفــافــه وأذوب .. وأنت تذوب .. وأذوب .. وتذوب = واذوب .. وتذوب .. وذوبانــك .. آآآآفه إي والله آآفــه .. تثمــل العقــل .. بإسلــوب = يعجــز خيــال .. أكبر رموز الثقافــة[/all1][/a7la1]بالرومانسية مبدع وبالوصف استاذ وبالمدح دكتور اما عاد قلت وقالت تدخل العالم بجو ثاني بصراحة حيرتني بامرك مميز في كل شي يعني شاعر كوكتيل من ابداع و تميز واسلوب وخيال واسع ابو فهد انا من أول قلت عنك مدرسة شعريه وكل مرة اقرأ فيها جديدك اكتشف ان كلامي صح مليون بالمية تقبل تحياتي وصح لسانك مليوووووووون مشعل الضوي |
مطلق النومسي
صح لسانك عدد ماينبض شريانك ياسلام عليك يامطلق ابداع .. وعذوبه .. ورومانسيّه .. تحياتي واعجابي دمت بخير |
| الساعة الآن (07:11 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه