تعال أبكتب لك قصيده جديده = وأبوح لك سرً بقلبي كتمته
بسبك معانيها بحبكه فريده = من معدن الفيروز بسمك ختمته
أحروفها صاف الذهب عن حديده = هاجمت سور كنوزهم وقتحمته
شاعرك صعب القافيه ماتكيده = أما تجي برضاه والا غصبته
أبك أنت بعيوني تساوي بديده = لرضاك جزلات المعاني زهمته
جيتي لي الفكره وصارت قصيده = وصرتي لقصيدي ملهمه وأحترمته
هذا شعوري وأسكني في وريده = الشعر لولا هيبتك مانظمته
حبك بلغ أعلى معدل رصيده = يافرحتي وآمال حلمً رسمته
ياغلا من الغالين وأعـنـد عنيده = لولا غلاتك كان وضعك حسمته
لكن ورب البيت رازق عبيده = أن لك بقلبي منزله لو علمته
يلعن أبو جد الزعل ماتعيده = وترجع بعيني حلمي اللي حلمته
مكانتك بالقلب تبقى وحيده= وانت الوحيد اللي هويته ولمته
ألوم معك ظروف وقتً شديده =وألوم قلبً ساكنه مافهمته
قبل التفاهم ليه رحتي بعيده = كنك تحرى زلتي وغتنمته
تركتني رغم الظروف العنيده = عذبت قلبي بالجفا مارحمته
من قال أول حب موته فقيده = أصدق شعـورً بالمعاني كتبته
أسهر على طيف الغلا وأستعيده = بشعرً كسر ليل الرتابه وصمته
وأن روحـّـت روحي بحبك شهيده = يكفي تحس بذنب قلبً ظلمته

الغالي محمد المقبل

تقـديرك وإعجابك اعـتـز به
وفـخــراً لي تـواجــدك هـنا
صـح بـدنـك وأهـلاًبـك