نصيحه
مشاركه متواضعه لاعضاء هذا المنتدى الرائع
قــــــــال الذي لاقـــــال ماهـو بمحتار = شــــــــاعر ولايمكـــــن يخـــــــونه ضمـــــــيره مطلوبه الجنـــــه وبعده عن النــــــــــار = في ســــــــاعه فيـــــها يقــــــرر مصـــــــيره وعنده نصيحه يوم هاضـــــن الاشـعار = طــــــــرت على بالـــــه تجــــــارب كثيـــــــره وبفضل رب عالما كل الاســـــــــــــرار = ما هــــو من اصحــــاب العقـــــول الصـغــــيره نصيــــــحته دينك وعرضــك لهـن ثــار = مــــن دونهــــــــن مافيه خيــــــراً وخيــــــــره والارض مــــن دونــه يروحــــن الاعمار = غـــــير الثـــلاثه كـــل حاجــــــه يســــــــــيره كـــلام ماقالـــوه في صحــــف واخبار = كـــــــــــلام ربــــن مالنــــا رب غيــــــــــــره والوالدين وراعــــي الطيــــب والجـــار = نقصــــان في حــــق الثـــــلاثــه كسيــــــــره وللضيــــف قدم كل حشــــمه ومــقــدار = حطـــــه بوســــــــــط عيــــونك المستــــديره ولجــــل الخــوي دوس المنايا والاخطار = في ديــــــــرتك والا بـعـــــد باي ديــــــــــره وعـــن زلته خلـــك كـــما الــــوالد البار = لاتـزعـــــــله لاتجــــــرحــــــــــه لاتثـــــــــيره واحرص على السمـــعه من يمين ويسار = ترى المــــراجل صيــــــت والصــــيت ســـــيره والوقــــت لايغريك فــي بعـــض الامرار = وتشـــــــوف نفســــك والمســـافه قصيـــــره ترجـــع بعــــدها بين حســـرات وافكار = غيــــر النــــــدم هم وتعاســــــــه وحيـــــــره خـــلك كـــما اللي لابغا شــي يخـــــتار = ماتغصـــــــبه نفـــــــس ضعيفــــــــه حـــقيره ولاتستـــمع بعض النصــايح والاشــــوار = عـقلك معـــــــك والعـــفــــن لاتستشيـــــــره وان جارت ظروف الزمــــن والزمن جـــار = اصبـــــــــر عليه ولاتبيـــــح الســــــريــــــره ولاتشـــتكي للنــــاس يانســـــل الاخيار = شـــكوى لـغيـــر اللــه شــكـــــوى مريــــره واحرص على صحبــــه هل الجود والكار = الاولـــــــــه منهاجــــــــــهم والاخيـــــــــــره وختامـــــــــها صلو علـــــى خير الابرار = يقولها شــــــاعر يحاســــــب ضـــــــــــميره |
صح لسانك واللي اشوفه عبارة عن مجموعة نصائح وليست نصيحه واحدة
ابيات قمة الروعه والجمال اجعل نفسك دائما متالق دمت مبدعا |
يشرفني ان اكون( اول) ثاني(سبقتيني يالهنوف وجعلتيني اعدل ردي لكن تستاهلين ) من يقوم بمصاحفة هذه الرائعه في هذا المنتدى
نصيحه ثمينه تستحق الوقوف عندها كثيرا. صح السانك ويعطيك الف عافيه شاعرنا الكبير سعد سيف ونتمنى ان تتحفنا بالمزيد |
الله الله الله الله
رووووووووووووووووووووعه بكل جداااااااااره قصيده مليئه بالنصائح والدرر والتي اطربتني كثيرا" وبدات اردد ابياتها بصوت" عالي لانها فعل" قصيده تستحق القراءه والحفظ ايضا" صح لساااااااااااااااااااااااااااااااااااااااااااااااا اااااااااانك مليوووووووووووووووووووووووووووووووووووووووووووون لحظه باقولك حاجه بس توعدني انك تحققها لي طيب اتفقنا تصدق انه ماهو خااش راسي الاسم ذا ( سعد سيف ) واحس انه مركب ..................... عندي طلب واحد بس واتمنى انك تلبيه ... ابي اعرف ماهو الاسم الحقيقي للشاعر / سعد سيف دمت بكل حب وخير لهذا المنتدى |
ولاتشتكـي للنـاس يانسـل الاخيـار=شكـوى لغيـر الله شكـوى مريـره الرائع المبدع سعد سيف واحرص على صحبه هل الجود والكار=الاولــه منهاجـهـم والاخـيــره وختامها صلـو علـى خيـر الابـرا=ريقولهـا شاعـر يحاسـب ضمـيـره اقف امام هذه النصيحه بكل فخر وعجاب قصيد ه رائعه تستحق قراءتها ولاستمتاع بها فاهذه الرائعه تستحق التثبيت للاستمتاع والاستفاده من نصايحها كما انني اعترف بانه خانني التعبير امام مفرداتها الرائعه صح لسانك ملياررررررررررررررررررت المرات لك مني كل الاحترام والتقدير اخي الفاضل ولنا طلب بان لاتبخل علينا ودمت |
الهنوف
السيف القادم مزيد المزيد(حاضر قريبا جدا) محمد المقبل شكرا لكم جميعا على الاطراءواتمنى ان نتواصل من خلال هذا المنتدى الكبير والرائع فانتم وكافه الاعضاء عماد هذا المنتدى لذا لاتبخلوا بالمشاركه تحياااااااااااتي |
سعد سيف
لانفض فوك نصيحه راقيه بجد وروعه من الروائع بالنصح ياشاعرها المبدع جعلها الله في موازين حسناتك تحياتي لك مع التقدير |
| الساعة الآن (05:11 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه