°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - يارب أنا فدوة مواطي قدامه (http://www.weelan.com/vb/showthread.php?t=5175)

يارب أنا فدوة مواطي قدامه

قصيدة كتبتها عندما قام اللواء علي بن هلهول الرويلي بتكريم والدي تكريماً خاص جزاه الله ألف خير وكثر من أمثال ذلك الوايلي الشجاع .

تستاهل التكريم في نوط تقدير = ومشكور من حطك محل إهتمامه
صورتك يابوية عن صورهم غير= يعني لها في وسط قلبي علامه
ماهي مهونه بالوجيه المسافير = وكلٍ على عانيه معنى كلامه
أطق بصبع للحواسيد واشير = ماكل رجلٍ يدرك اللي يهامه
ياعز راسي يازبون المقاصير = ياخال قلبي وأنت مقدم عمامه
عن وصف شخصك يعجزون الشواعير= رمز الكرم وإلاعروق الكرامه
أبوي ومنور لي الدرب تنوير = نبراسنا دامه لنا الله دامه
حر ٍ مكانه فوق روس العناقير = عديم تغليه الشيوخ وترامه
لياكفخ منه الحباري مخامير= يخسى عذوله مايوقف أمامه
من ضرب مخلابه عشا السبع والطير= والعز مجلاسه بذروة سنامه
مثل الجبل يرسي بوجه المعاصير = ماكنه إلا طويق وإلا تهامه
أرق قلبه من عبير النواوير = وأقسى من أمواج البحر بلتطامه
ياسعد من حطه رصيد ومذاخير = دكتور مايحتاج عرف وفهامه
يالله عسى فاله من الخير للخير = ويارب أنا فدوة مواطي اقدامه

إبنك / محسن علي قيقان الدعيجي