ما عاد لك في وسط قلبـي مساحـه=ولا عاد قلبي ( قفل ) والشوق مفتاح
وأبعطي القلـب التعيـس إستراحـه=عساه عن بعـض المشاويـر يرتـاح
خلاص أبعفي عنه وأطلـق سراحـه=حـرام خلّيتـه بيمـنـاك مسـبـاح
عامين والقلب الشقـي فـي كفاحـه=صابر على ما جاه .. والسد ما بـاح
تقسى عليـه ومـا تضمّـد جراحـه=كم قلت لك خفّف على القلب .. يا صاح
عليه .. عنـدك كـل حاجـه مباحـه=وعليك .. ما عنده سوى عشقه سلاح
لولا الوفى صعبـن عليـك إجتياحـه=أعلنـت لـه حبّـك وخـلاك تجتـاح
عنده خبر في ساحة الحب .. ساحـه=لكن شقى الأرواح .. من بعـض الأرواح
ويسعد مساء قلبك ويسعـد صباحـه=ما همّتـه كثـر الخسايـر والأربـاح
همّه فـؤادي يـوم يكبـح جماحـه=ما همّه إن العشق ( موذي ) وفضّاح
وما دام وصلك هم .. فرقـاك راحـه=يا زينها فرقـى بـلا دمـع وجـراح
وكانك تبي تسمـع كـلام الصراحـه=ياليت تسمع وش يقول .. أبو ذبّـاح
من لا يحاتي صاحبـه فـي مراحـه=عيبـن علـى منهـو يحاتيـه لا راح

المشاركة الأصلية كتبت بواسطة نمش الشمري أهديكم آخر الإنتاج ................. أبو ذبـّـــاح ما عاد لك في وسط قلبـي مساحـه=ولا عاد قلبي ( قفل ) والشوق مفتاح وأبعطي القلـب التعيـس إستراحـه=عساه عن بعـض المشاويـر يرتـاح خلاص أبعفي عنه وأطلـق سراحـه=حـرام خلّيتـه بيمـنـاك مسـبـاح عامين والقلب الشقـي فـي كفاحـه=صابر على ما جاه .. والسد ما بـاح تقسى عليـه ومـا تضمّـد جراحـه=كم قلت لك خفّف على القلب .. يا صاح عليه .. عنـدك كـل حاجـه مباحـه=وعليك .. ما عنده سوى عشقه سلاح لولا الوفى صعبـن عليـك إجتياحـه=أعلنـت لـه حبّـك وخـلاك تجتـاح عنده خبر في ساحة الحب .. ساحـه=لكن شقى الأرواح .. من بعـض الأرواح ويسعد مساء قلبك ويسعـد صباحـه=ما همّتـه كثـر الخسايـر والأربـاح همّه فـؤادي يـوم يكبـح جماحـه=ما همّه إن العشق ( موذي ) وفضّاح وما دام وصلك هم .. فرقـاك راحـه=يا زينها فرقـى بـلا دمـع وجـراح وكانك تبي تسمـع كـلام الصراحـه=ياليت تسمع وش يقول .. أبو ذبّـاح من لا يحاتي صاحبـه فـي مراحـه=عيبـن علـى منهـو يحاتيـه لا راح وسلامتكم .