قصيده للشاعر محمد السياري
 

هذه قصيده للشاعر الكبير رحمه الله محمد السياري



ياللي تعرف الجوهرة من نحاســـــه **** خذ لك على درب التـــجاريب مرواس

مبنى على الغرمول ينــهد ساســـــه **** ويثــبت إليــا عزيت مبنى على ســاس

واجب على الرجال يلبـــــس مقاسه **** ويـصــير بعـيون الرجاجــيل نــبراس

يرفع مجـــــاله عن دروب الـدناسـه **** ونفــســه يدربـــها عـلى قــوة الـــباس

ويحــسن أخلا قـه بلــيّا شراســـــــه **** لــوهـو شجاع ويلبس الـد رع والطاس

وياخذ تجاريب الـــــليالي درا ســـه **** ويمــيـّز الياقــوت من لمــعة الــــماس

لو ذاق في بعض اللـــــيالي تعاســه **** يصــبر ولــو صارٍ أشـــافــيه يبــــاس

ومن يصحب الأنذال وأهل النجاسه **** يُــقـْـلب عــليه الهـرج في كل مجلا س

ناس تـــميزكحــته مــن اعــــطاسه **** ويصــورون الكذب في صفح قرطـاس

الذ يــب يرفع هــمته عن مداســـــه **** يوم يجوع وســاعـةٍ يــــرفــع الــرأ س

وبعض العرب مـــاهمه إلا لباســـه **** ودايم على عورات الأجواد عـــســا س


الشاعر
محمد السياري
رحمه الله

رد: قصيده للشاعر محمد السياري
 

صح ذوووقك اخوي القدير


والله يرحم شاااعرها


كل التحية

رد: قصيده للشاعر محمد السياري
 

الله يرحمه


لاهنت عالنقل اخوي

ونقل موفق لاقى مكانه بالنفس



شكرا جزيلا لك

:)

رد: قصيده للشاعر محمد السياري
 

الله يعطيك العافية يابو سالم على هالنقل

رد: قصيده للشاعر محمد السياري
 

الله لا يهينكم يا اخوان على مروركم وردوكم ومشكورين

رد: قصيده للشاعر محمد السياري
 

...][ ابو سالم ][...


---------------------------------------------------------------



مساؤك فرح ...

إلى متى يا سيد الحرف نأكل الخبر ولا نشبع
ونشرب الماء ولا نرتوي
تعبث بنا الأيام
ونبحث عن ملجأ ولا نجد وإن وجدنا

هناك طريق واضح لا محاله له ستراه عينك ذات يوم
أتمنى أن تكون سعيد به ...


مودتي وتقديري لك ...



...][خالد الشملآني][...