أرحبي يا سجيّة شاعرٍ هاض قافه = وارعدي يا سحبة وامطرينا بماكي
يا قلم لا تكل ولا تمل المسافة = انثر الحبر ثوبٍ للقصايد يحاكي
من طواريق منهو راح وقته حسافه = عند ناسٍ وصلهم ما حظى بالمراكي
كان يحسب مكانه في بلاط الخلافة = حتى لو مَِيحَصَل ان للخليفة يحاكي
لابس البشت مع من صنّفوا بالترافة = واثره امصنفٍ مع لابسين السواكي
يوم فرّ القَهَوجي ما حظى بارتشافة = ما درى انّه عزيز النفس ماهو بشاكي
له خفوقٍ قويٍّ ما تجيه ارتجافة = ظاريٍ للطعون ولا خسر بالعراكي
من وصل له شبابه ما حظى باللطافة = خشّنته الليالي .. يالليالي نواكي
يالليالي أشد صروفك اليوم تافه = صاحبٍ لك قبل لا تعثرينه قواكي
صاحبٍ لك عطى بحره وحصل جفافه = من صحاب الفضا والبهرجة والضحاكي
ما دروا عن مغلّف نازعينٍ غلافه = فتّح وشاف واقع كل ابوه انفكاكي
الغمام الي غطى العين حان انكشافه = هبّي يا نسمة الواقع وزيدي هواكي
خلي اللي ظمى والنهر هو في ضفافه = يعرف ان المجامل يبتليه ببلاكي
كم وكم سن يضحك فيه آفه وآفه = جايع لنهش لحمه ما ضحك كالملاكي
كم صديقٍ تعلاّ لازم انه يعافه = يقطعه حبل وصلٍ كان مثل الشراكي
لجل عين الكرامة لو هو شوكٍ قطافه = ما يهم .. قبل لا يا قع بواد الشواكي

المشاركة الأصلية كتبت بواسطة القايد الاخ فواز المهنا يسرني أن أكون أول من يطلع على أولى مصافحاتك التي حتماً لن تكون الاخيره لانك سوف تجد من يقرا حروفك من متذوقي الشعر ومميزي الابداع صح لسانك على هذا الحضور المميز تقبل تحياتي

المشاركة الأصلية كتبت بواسطة مصلح النشمي . الشاعر المبدع والرائع فواز المهنا اولا اشكرك على قبول الدعوة وهذي الساعة المباركه يالغالي وكم نحن سعداء بتواجد شاعر بحجمك بيننا ... فأهلا وسهلا بك بيننا شاعرا مميزا ونجما فوق العادة وصح لسااانك مليااااار على هالجزله راااائع ومبدع ومهما قلت فالحروف تتقزم امام شموخ حروفك الجزله صح لسانك مرة اخرى والف شكرا لك ولقبولك الدعوة لك الحب كله تحياتي لك