قصيدة الشاعر خلف بن هذال ( في جنادريه 20 )
السلام ولا سهـى القلـب عـن ذكـر الالـه=ربنـا اللـي نـزّل اقـرا و عـلّـم بالقـلـم جل شانه في جلالـه .. تبـارك فـي عـلاه=منفـرد بالغيـب يعـلـم ولا غـيـره عـلـم نسأله عفوه و لطفه .. صمد مـا احـدٍ سـواه=صوّر الانسـان وانشـأ وجـوده مـن عـدم نطلبه الجنـة و نرجيـه مـن النـار النجـاة=فـي نهـارٍ فيـه خصـمٍ اذا خاصـم خصـم فـوق عرشـه مطّلـع يستجيـب لمـن دعـاه=ناصر المظلوم .. منـزل عقوبـة مـن ظلـم القمـر خمسـة عشـر مستهـلٍ فـي سمـاه=فـي جمالـه فـي كمالـه تهلـل و ابتـسـم و الوطـن بايـدي امينـة تربّـت فـي حمـاه=ذخـر فتّـاك الركايـب اليـا ازبـد و التطـم البطل يذكـر و يشكـر علـى سعـيٍ سعـاه=بالعزيمة جـاب مـا غـاب يـوم انـه عـزم اعلـن الوحـدة بيـومٍ ملـى الدنيـا صــداه=رُسمـت الخطّـة علـى عيـن رسّـامٍ رسـم ثبّت المبنـى علـى سـاس يرحـم مـن بنـاه=صرح شامخ مـا تزعـزع كيـان ولا انقسـم المؤسـس مـن نشـد عنـه تكفيـه الــرواة=و اسأل التاريخ و الوسم و أسـم اللـي وسـم استرحنـا تحـت امانـه و نمنـا فــي ذراه=تـو ذقنـا العافيـة .. تـو مـا ارتـد النسـم البشير يجيـب بشـرى و يفـرح مـن نصـاه=ابشـروا بالخيـر و الشـر ولّـى و انـهـزم الوطن عهدة فهد ما مشـى الوالـد .. مشـاه=حـارسٍ مامـون دون المحـارم و الـحـرم لـه عليـنـا مبايـعـة و الــولاء والله ولاه=مـن وفـى بالعهـد للفهـد والله مــا نــدم يـوم جنـدنـا المـبـدا رفـيـعٍ مسـتـواه=نخـدم الاسـلام و لخـادم الكعـبـة خــدم مرخـص الغالـي لشعبـه وهـذا مـن وفـاه=رافع المبنـى للاوطـان .. يبنـي مـا هـدم مكرمٍ يعطي و نعطـي العطايـا مـن عطـاه=كاسب المعـروف رجـل المـروة و الكـرم الكريم ليا حلـب فـي قـدح فاضـي . مـلاه=راعي الكرمـا فهـد و الفهـد حـر و شهـم دين ما مثلـه ترعـرع و حلّـق فـي صبـاه=يافعـيٍ ينـزع الـحـق وان غــار انتـقـم طلعتـه طلـع السعـد نـادرٍ يحـمـد ثـنـاه=بالشجاعـة و البـراعـة تحـلّـى و اتـسـم داهيـة ولـه الدواهـي تخضّـع مـن دهـاه=ما تردد فـي قـراره , ليـا قـرّر .. حسـم الوطـن ينخـى فهـد وا هنـي اللـي نخـاه=نخوته فـي ساعـة الضيـق نخـوة معتصـم الوطن يندب فهـد فـي رجـا الله ثـم رجـاه=ينقـذه مـن غـدر قـوم و عمـيـلٍ متـهـم للوطـن حنـا فـدا و الملـك حـنـا فــداه=الزعيـم اللـي عـن الديـن فسّـر و احتـزم يا ملك نِعم الملك .. يـا ملـك نخـوة و جـاه=بالممالـك يـا ملـك كنـك الطـودة الاشــم عادتك يـا ثالـم السيـف مـن روس الطغـاة=يـا عسـاه الكسـر سيـفٍ يعلـق مـا انثلـم خـل شامـان يعلـج لا تـرده فـي خـبـاه=يـا عسـاه الكسـر سيـفٍ يعلـق مـا انثلـم عند باب الحكـم سيّـاف و الحكـم اصطفـاه=من تهاون و استمع شـور غيـره مـا حكـم المواضـي تنشـر العـدل و تعمـر الحـيـاة=يستتـب الامـن بالسـيـف و ذراعٍ عـسـم حفلنـا الليلـة يليـق بمكانـة مــن رعــاه=نايـب القايـد ولـي العهـد راعـي الشـيـم مرحبا باللي حضر و اسعد ( الباري ) مسـاه=ركن نجد و ركن مـن يزهمـه وقـت الزهـم شيخنـا عـدل المناكـب وقــاه الله وقــاه=سلمـه ربـي لخـدمـة بــلاده و العـلـم فـي سبيـل العـز بالعـز معـقـودٍ لــواه=مجـذم الهيجـا ليـا عـودوا خلـف الزخـم طيـب الذمـة كسـاه التواضـع و اكتـسـاه=مـا تباهـى و افتخـر بالتبـجّـح و الفـخـم ان زعل نزعل و نزعل و نرضى من رضـاه=وان تألمـنـا تـألـم و شاركـنـا الالـــم لـه عهـود ولـه جنـود تقـدّر لـه غــلاه=فـي لزومـه يتبـع الصـف صـفٍ منتظـم سيدي يزهى بـك الشعـر مـا مثلـك زهـاه=شاعرٍ ينظم مـن الشعـر و اسمـع مـا نظـم مخلصٍ يبعث شعـوره يـا علـه يـا عسـاه=يشبـع المعنـى و يحظـى برغبـة محـتـرم سرت بالتوفيق و يسيـر مـن سـارت خطـاه=في طريقك يمسح الدرب عـن شـوك السلـم ابـو خالـد كــم يتـيـمٍ تبـنـاه و ربــاه=متّعـه عـن والدينـه و سـلّـي و انسـجـم يرحـم المحـروم سلطـان و يخفـف عنـاه=سخـرة الرحمـن والله يرحـم مـن رحــم طـال عمـره مـا يسويـه مـن خيـرٍ كفـاه=عـن صواديـف الليالـي و دسعـات الرمـم مـا يخـطـط للعـروبـة يثـيـر الانتـبـاه=يا رجال ان الفـرص يـوم تسنـح .. تغتنـم انظروا بالوضع و استمعنـوا ويـش السـواة=ا يضيـع الـراي و نضيـع و يطيـح الهـرم يجـري المـاء مـن تحتنـا نـراه ولا نـراه=العرب تسبح على امـواج بحـرٍ مـا هضـم العليـل ان طوّلـت علـتـه يصـعـب دواه=يسهر الممروض و يموت مـن طـول السقـم و الورم يكبـر و ظنـي طبيبـه مـا احتـواه=كـل مـا ينـزع ورم بالجسـد يطـلـع ورم الوطـن ماهـو بمرتـع خـراب لمـن بغـاه=نحتميه وقد حميناه مـن ( روم ) و ( عجـم ) نتفانـى لـه و نملـى المقابـر فـي ثــراه=و الذوايـد مـن نصيـب الحنـادي و الرخـم مـن توهـق بمغزانـا لعـن غـزوٍ غــزاه=ارضنـا مـا للعـدو فوقهـا مـاطـا قــدم الوطـن منّـا و فينـا ولا نلـحـق جــزاه=الامـان و لقمـة العيـش مـن حمـر النِعـم امـة التوحيـد حنـا وحنـا اهـل الـصـلاة=و الزكاة و رمـز الاسـلام مـن بيـن الامـم لو طغى راعي الهوى ما مشينـا فـي هـواه=مـا نطيـع افكـار ملحـد ولا نعبـد صـنـم مـن يقابلنـا بحـجّـه نحـجّـه و نعـصـاه=بالدليل نخاطـب النـاس ( لا ) ولاّ ( نعـم ) مـا طرقنـا بالاذانـي لوشـوشـة الـوشـاة=قافليـن البـاب عـن كــل كــذابٍ هـيـم قامـت اربـاب السوابـق تسـتّـر بالعـبـاه=عـن عبـاة الديـن يخسـون هافيـن الـذمـم كيف رب البيت مـا يـدري الا عـن عشـاه=هو تعشـا ! هـو تغـدا ! علـى رز و لحـم و الخطر و الموت بين الغرف يطحـن رحـاه= ما وعى فـي مرقـده لـو يشـرّك لـه لغـم الابـو مسـؤول عـن مـا يدبّـر مـن وراه= سـارحٍ فـي غفلتـه لا هـمـوم ولا هـمـم لو يضيّع شاه كـدّر علـى اهلـه و إقصـراه =و الشباب يضيع و يقـول مـا ضاعـت غنـم الولـد يطلـع ولا قيـل وش اسـم زمــلاه=اجتمـاع الـذل و العـار و التفكيـر اهــم صنّع التخريب شيـن الطبـوع ومـن خـزاه=نطلق به و انتحر بعـد مـا ظـن و زعـم .. انه اقرب للنبـي وانـه اقـرب مـن عصـاه=مـن هبالـه فـي خيـال الشهيـد ليـا هجـم الشهيـد اللـي عـن الـدار ياقـف ويحمـاه=من يمينه فـي صـدور العـدا يرسـل سهـم كـان مـا للجـاه لحـدٍ يـرده عـن خطـاه=مـا بقـى عاقـل ولا صـار للدنيـا طـعـم غايب الاحسـاس يذهـب حياتـه فـي شقـاه=الشقي مـا يـدرك الحلـم خيبـة مـن حلـم مس سرج ابليس و اطلـق عنانـه و امتطـاه=بالخـراب الخايـب امـا سـرى ولا جـهـم منحرف .. مفسد . مراهق .. موجّه من اعداه=غرّروا بـه و اغـدروا بـه عساهـم للوهـم امسحـوا مخّـه و ساقـوه عكـس الاتـجـاه=و اصبح المخدوع و امسى عمى و ابكم و اصم العمـى عمـى البصيـرة هـذا والله عـمـاه=العمى ماهـو كفيـف البصـر ديـن و قسـم بس في فعل الـردى مـن امـره ومـن نهـاه=الغبـا واهـل الغبـي لـو يفهّـم مـا فـهـم رايـحٍ للهاويــة سـرمـدة لـيـلٍ ســراه=يسـري المنجـوم و يكـذّب انـه مـا انّجـم الهـدف مشـبـوه و المشتـبـه بـيّـن رداه=للخساسـة طافـي النـار سـلّـم و استـلـم خارج الملّـة مـرق يـوم ربـي مـا هـداه=بالمصايـب و الكـوارث نسـف كـل القيـم تاجـب اللعنـة علـى محـدثٍ جانـا بـأذاه=نشهـد انـه خـان بامانتـه و اجـرم و اثـم ومن أواه ومـن رضـي فعلتـه تبّـت يـداه=وجهه اسـود كحـت و اسـود مـن الفحـم مـا درى كبـش الفـدا لـو يقـادي للـذكـاه=و الكـلام بخـاتـم الانبـيـا تــم و خـتـم |
عبدالكريم .... الرااائع
هلابك وهلا بأختياراتك الرااائعه والجميله .... قصيدة لشاعر خلف بن هذال ... غني عن التعريف وقصيدة راااااائعه بكل المقاييس... لاهنت يالذيب ... ودام ابداعك وتواصلك .... |
ماجد الوايلي
شرف لي عظيم بان تمر على موضوعي دمت للويلان |
رد: قصيدة الشاعر خلف بن هذال ( في جنادريه 20 )
عبدالكريم العنزي
تسلم يدينك وقصيده رائعه وصح لساان شاعرها وتسلم على النقل الرائع |
| الساعة الآن (07:38 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه