أسكب دخيل الهوى ياصاحب الحانه=نفسي على الكاس تدفعني وادافعهـا
من دقه الكاس ليلي طابت ألحانـه=ومن هزة الخصر يشكي دوم ملفعها
وكفوف متشابكه وكتوف طربانه=أثر البشر ما تميـز مـن يلايعهـا
وياليل ياعين يا دانـه ويـا دانـه=ثوره ولا احد قدر للحيـن يقمعهـا
مليت قلب الشقى وعيـون شفقانـه=مليت روحـن عجز جسمي يجمعٌها
قولوا لست الحسن ان كان لي خانه=تكفون قولوا لها يكفـي مواجعهـا
قولوا لها صاحبك غرقان بـاحزانه=ومن السفر تحرق عيونه مدامعهـا
لا يهمها عاذلي لـو مـد بلسانـه=ناسـن من الحقد مدت لي مدافعها
طال الغياب وقصر ماغيرك انسانه=قولوا لها ياعرب ترخي مسامعهـا
ولهان يامنيتـي والـروح ولهانـه=وسوالف الحب يوم القرب اراجعها
يااهل الهوى باقيه جمله على شانه=(موتي ولاساعتـن فيها اوادعها )
اسكب من البن الاشقر وأمل فنجانه=عمار ياديرتن تحـوي مزارعهـا