ألا يااهل الرياض اخذوا سلامي = من عروق الغلا واكبر تحيا
لكم ود ومحبه وإحترامي = وشيا" بالخفا يسكن هنيا
جمعني فيكم أسرار الهيامي = سواليف الندا لمة يديا
سوالف تجبر كسور إنهزامي = تعطر صفحتي تطري عليا
أقول المعجزات اللي بكلامي = ترى روح القصايد وايليا
تراها من صواديف إنضمامي = لأصول العشق وآلام الرعيا
تراني بنت وسلومي أمامي = أعرف الدرب وأمشي مستحيا
وإذا زل اللسان فلا ألامي = أنا إنسان ماينسى الخطيا
تعثر بالوغا والقلب ظامي = ونفسه بالمعاصي مبتليا
ألا رحمتك يامروي العظامي = سمعيا للدعا رب الحميا
توثق خطوتي تجبر حطامي = تشتت خطوة الشيطان ليا
تروح الروح وتروح الأسامي = سواليف الضحى وقت العشيا
ويبقى مبدئي عطر إستقامي = قلوبا تذكر الله دوم حيا
كلامي وش بقى منه كلامي = صلاة الله على محمد نبيا

المشاركة الأصلية كتبت بواسطة عبدالله المعزي نواره الوايليه نورتي هذه الصفحات باطلالتك الجميله صح السانك ملايين ولا يكفون ابيات جزله جزله جزله دمتي بكل الود تقبلي تحياتي