وش فيك طولت الغياب وتناسيت=ونا الذي من بد خلق الله أهواك
كم ليلتٍ بسمك بالأحلام ناديت=(وتخدعني أحلامي اذا قمت ملقاك)
وشفيك بغيابك عليه تماديت=ونا أعيش أوقات عمري برجواك
القلب من بعدك طوته التناهيت=والجرح زاد وزود الجرح ذكراك
أنسى مكاني رحت من وين أو جيت=أقوم وجلس واتذكر سجاياك
ونادي ابصوتي ألا وين لقيت=أسمع صدا صوتي بالأحزان ناداك
وظم طيفك وحظنه ثم خاويت=ذكرى,خيال,أهموم,ونجوم مسراك
واليوم شفني حي لاكن بكم ميت=والقلب من زود الغرابيل ينعاك
أنا على صبري من البعد مليت=أنا من أجروحٍ مقابيل بنخاك
لا لا تخليي بنا الهم له بيت=جري من أقصى القلب يا زين ناداك
حيٍ مع الحيين لان بكم ميت=مدفون في حبك والأكفان ذكراك