المنبر المهجور ( صوتيه )
بسم الله الرحمن الرحيم يسعدني ويشرفني ان اقدم لكم هذه القصيده وان تنال على استحسانكم وقد قلتها في امسيه تم نقلها على تلفزيون الساحه مؤخرا وقد قدمتها لكم بالكتابه لمن يستمتع بالقراءه وبالصوت لمن يريد ذلك ويوجد بها امكانية التحميل على الاجهزه وعلى الجوالات وكل هدفي هو ارضائكم وارضاء ذائقتكم الشعريه المنبر المهجور شعر والقاء - فيصل اللويش أداء - ابو سعد تحميل القصيده
ذيب ٍقنب في عـــاليات المراقيب=غصبٍ وقفت وشدني في قــــنيبه وش لي بمرقابٍ قنب فوقه الـذيب= وش لي بها لمرقاب وش لي بذيبه يقنب وتقنب له ضلوعٍ مـــحاديب= تل الــــــرشا يومٍ قـــنب من قليبه ونّفَض تراب المبطيه والـكراكيب=والمنبر المـــــهجور يبكي خطيبه ماعاد هي لحية عقال ومـــواجيب= بشرب بكرما فاح واترك ســريبه والغيمه اللي لي حـــدتها الهباهيب=ترعد وتبرق وانحدر به شـــعيبه من طالب بحـقه تبــاعد عن العيب= والحــــق يفنى لاتـــــردى طليبه بـشدها والغيب عند الله الـــــغيب = ومن شدها مـــــاردها لو مصيبه والحمل لامنه ثقل شـــاله هــديب= وحملك ثقيلٍ وارتكاله هـــــــديبه بشب ناري واحطب الهم تـحطيب= والـــــنار قيفان القصيد ولـــهيبه قم يا فراش النارهات اليـــعاسيب= ما راح اعدد ..جيب منهو تجيبه ما كل من شال البنادق يبـ..يصيب = ومن صار مرمى للبنادق تصيبه والطلقه اللي نــاويتـني ولاتصيب= تدوش ويدي بـــالــزناد وقــريــبه احدَب ودورفـ..النشامى عذاريب= مثل الذي يســـرح ولاشاف عيبه للطِيب يدٍ كل مــــامــــدها طيب= مثل الانــاء الطَيب يفــوح طيبه والاالردَى ماهوغـريبٍ ولانـــيب= مستـغربه منــك ولاهي غــريبه دامك تدور فـ....القراح الدغاليب= وكلٍ على ما قيل يلقــــى نصيبه وحكي القفـى ماتردفه شُمّخ النيب=وبالشرع حكيٍ من ورى الشخص غيبه دع مايريبك واترك الشك والريب=واقضب على اللي مايجي منه ريبه والشيب ماعذرب رجالٍ بها شيب= والشعر الابيض بالرجاجيل هيبه والضيف مايامروينهى المعازيب=ولاأنته عقيد القـــــوم وألا الرقيبه والشعرله شاعرومعنى وتـهذيب= ولاتنفعك ذيك العجوز ونــــــحيبه والزيروشهي قصته وقصة كليب= ومحصن القلعه وقـــصة قتيبـــــه ماودّي هموم الــــحنايا ولا اجيب=والدرع صدرٍ والمضارب عطيبه والليل مسيار القسى والتــــعاتيب= والهم خيمه والـــــــــــزوايا كئيبه |
رد: المنبر المهجور ( صوتيه )
يامبدع انت الابداع والشموخ صح لسانك يافيصل |
رد: المنبر المهجور ( صوتيه )
(مـا كـل مـن شـال البنـادق يب..يصيـب
ومــن صــار مـرمـى للبـنـادق تصيـبـه) الشاعر الرائع فيصل اللويش صح لسانك مدد بلا عدد قصيدة رااائعة مثل ما عودتنا ولكن هنالك لي عليك وجهة نظر بسيطة جدا ً ارجو ان تتقبلها مني فإن لم تصب فعذرني البيتين الاولين كان هنالك تكرار لمفردتين وهي الذيب والقنيب الى ان وصل عددهم ست مرات في بيتين فقط ذيــب ٍقـنـب فـــي عـالـيـات المـراقـيـب غـصـبٍ وقـفــت وشـدنــي فـــي قنـيـبـه وش لــي بمـرقـابٍ قـنـب فـوقـه الـذيـب وش لـي بهـا لمـرقـاب وش لــي بذيـبـه كما انك استرسلت في البيت الثالث ايضا (تقنب ويقنب له ضلوع محاديب ... تل الرشا يوم ٍ قنب من قليبه ) وكذالك البيت الاخير كانت كلمة (تعاتيب) مجبرة على القافية فإن جمعها (عتاب) ومفردها (عتب) وما اجمل فيصل اللويش عندما يكتب هذا البيت ( والظيف ما يامر وينهى المعازيب ..... ولا انته عقيد القوم ولا الرقيبة ) وخيرا يا فيصل اللويش صح لسانك مرة اخرى واقسم بالله انها قصيدة بغاية الروعة والاجمال وانت شاعر معروف ولا يأتي منك الا ماهو جزل ورااائع . لك كل الود وتقبل فائق تحياتي لجنابك . |
رد: المنبر المهجور ( صوتيه )
اقتباس:
[font=Courier New][color=#FF0000]فيصل اللويش فيصل اللويش فيصل اللويش فيصل اللويش قرأت القصيده وأعجبتني وأتيت أقتبس بيت فلم أجد إلا إلا إلا أن أقتبسها جميعاً مبدع مبدع أنت لم تكتب القصيده ....... .... ..... وإنما القصيده هي التي تفتخر بأنك شاعرها تقبل تحياتي يامبدع يارائع تحياتي[/color][/font] |
رد: المنبر المهجور ( صوتيه )
الشاعر الرائع دائما ً / فيصل اللويش
قرأتها لعدة مرات ولم أروي ذائقتي منها ... والشيـب ماعـذرب رجــالٍ بـهـا شـيـب والشـعـر الابـيـض بالرجاجـيـل هـيـبـه بيت عن قصيده .. فيصل حلقت في سماء الابداع واتقنت العزف على أوتار العاطفه لتجعلنا نستمتع بمعزوفتك الباهره .. جميل ماتكتب لله درك .. اخوك / سعـود |
رد: المنبر المهجور ( صوتيه )
الشاعر المبدع فيصل اللويش.................
صح لسانك قصيدة عانقت الخيال بجمالها وروعتها..................... ابداع متناهي ووقفة مع الجزالة..................... كل الشكر لك على ما تقدمه من ابداع..................... تحياتي لك.................. |
رد: المنبر المهجور ( صوتيه )
الشاعر العذب / فيصل الويش
هلابك اخوي بيننا من جديد وسعيدين بمعانقة قصائدك بيننا . للـطِـيـب يــــدٍ كــــل مـامـدهــا طــيــب // مـثــل الانـــاء الـطَـيـب يـفــوح طـيـبـه والاالــــردَى مـاهـوغـريـبٍ ولانــيـــب // مسـتـغـربـه مــنــك ولاهــــي غـريـبــه الله عليك يافيصل ابدعت في صياغة الحكمه المتقنه والاحساس الصادق وصح لسااانك مليوووووون وانا اؤيد اخوي عبدالله عايد في كلمة ( معاتيب ) وانتظر ردك لكي يزول الغموض ونصل الى الفائده المرجوه بيننا للارتقاء الى سمو النقد الهادف ... دمت بخير |
| الساعة الآن (05:04 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه