بحمدك انا يارب عشرة ملايين=وبأكتب عليهم كلهم نحمد الله
ريال فوق ريال ونسدد الدين =ماهي غريبه ندفع الدين كلة
أنا اشكر آل سعود نسل السلاطين=اللي لهم بالطيب مذهب وملة
وأنا اشكر الشعار واشكر هل الدين= واللي مساهم بالامر او حلة
وأشكر حمد نسل الاسد بالميادين=الوايلي شاف الحمل ثم شلة
ياتاج راسي يا عنزة ابتدي منين=وقفاتكم تذهب عن القلب علة
ودي اقهويكم أنا الحين هالحين=وأشيل في كفي ثلاثين دلة
وقت المعارك كل ابونا مجانين=والي يجي في ضل وايل نظلة
اعيال وايل يقلبون الموازين=وسيف المنايا للمنايا نسلة
ويوم الدول بأيدين الأتراك يا حسين= دار عنزه وقيعانها مستقلة

أحمد القماصي السبيعي