بـصـمـة ابـهــام ؟
قلبي وليل البارحــه والهواجيس= عادن حـياتـي للوراء عشــرة اعــوام سـرابي الهاجس لعهد امرؤ القيس= وذياب بن غانم وساجر وهـــمــام وفكري شـدأ وأطـلق سراح المحابـيس= بأرض الخيال اللي لها رَز الاعلام حـي السهر مادام نومي كوابـيس= وحي الخيال اليا اصبح الواقــع اوهـام هذا الشقى ماهو جديد المراويس=مـعـنـا نـمــى وأهدى لنا ظـيـم الأيام من يوم أبونا آدم همس بأذنـه ابليس= وحـنّا نشيل ذنوب وهموم وآثــام واللي وضـع للكون عدل المقايـيس= له في تناقض صـنعـته شــئون واحكام سبحان من بالنفس حـط الوساويس= ووضع لها حـرزٍ عن اضــغــاث الاحلام من كـلّـفـك تيـقض جـروحٍ مداريس= وش لك بكســر الـعِـود من بعد الأصـرام؟! حـنّـا بشـر دم0 ومشـاعر0 واحاسـيـس= كل الفوارق بـيـنـنـا بـصـمـة ابـهــام |
ها هو صالح الشعر
يعود من جديد ليسقينا من منهله الشعري الرائع ويقدم لنا روعته بصمة ابهام حنّا بشر دم0 ومشاعر0 واحاسيـس***كل الفـوارق بيننـا بصمـة ابهـام الله الله عليك فعلاً تفننت بقلمك الجميل واستطعت ترويض المفردة لارضاء فكرك وشعرك الرائع جعلت منا متابعين لك ولجديدك صالح الشعر صح لسانك وصح حرفك وصح بوحك ولا فض فوك على ما قدمت وقف قلمي هنا عاجز عن ايفائك حقك اخي الفاضل والمحترم / صالح الضويحي تقبل احترامي لك ولا عدمنااك اختك ........ شمس الاصيل |
الشاعر صالح الضويحي صح لسانك وعز الله انك كفيت وفيت على هالقصيده ياغالي والله لايهينك اخوك الدامر |
ابو شايح
وش ابي اقول امام روا يعك انت يامن تلعب علي وتار قلوب متا بعينك ا انت شاعري الول |
صالح الضويحي
شاعر من الطراز الاول بسن الشباب وقصيده ممزوج من الجيلين وهنا رائعه من افضل ماقرات في الفتره الاخيره فكره + معنى + مغزى = بلاشك قصيده راااائعه صالح صح لساااااااانك ولاهنت وننتظر جديدك كان ودي اشوفك بالرياض بس قالولي انك بالقصيم ولا الله قسم شوفتك يابوشاايح دمت بخير دمت بخير |
حنّا بشر دم0 ومشاعر0 واحاسيـس
..............................كل الفـوارق بيننـا بصمـة ابهـام صالح الضويحي صالح المبدع بكل مايكتب قصيده رائعه وحضروك الذي اتمني أن يكون مستمر دائماً اروع صح لسانك ملياااااااااااااااااااارات صالح اسجل لك اعجابي هنا تحياتي |
صالح الضويحي
بصمة ابهااام وقصيدة رائعة كروعة حضوره شكراً لك ايها المبدع ارق التحية تقبلها مني |
| الساعة الآن (04:29 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه