رجلي تسافر .. بس شي ٍ جذبها = مجلس مراجل داخله بعض الاشكال
حاولت اعدي .. بس شي ٍ قضبها = غصب ٍ علي ّ آقف اطالع ومهتال
الفرق بين الباسقات برطبها = نوع الرطب يفرق على التمر .. لا حال
وشلون راعـ/ العلم عدا عربها = للهندي اللي لبسه عمه عقال
خلا ضيوفه .. ثم رحوله ركبها = وبكيفها تاخذ من الجرف .. منزال
ارخى بطنها .. ثم شد بحقبها = وقامت تخبط فيه من جال .. في جال
نوب عليها ونوب هندي هذبها = العم ما يعرف .. ولا يعرف الخال
لوهو حسبها .. يا بدر ما حسبها = وش دخل العقال في لعبة اطفال
يبي يدربها .. تورط نكبها = واتعب جهازه بس وش قال .. وش قال
الناقة اللي كل طرقي حلبها !! = وموالفه .. تقرب على شوف الازوال!!
انت تعرفها .. وعارف ٍ من ندبها = واطعمتها طعم ٍ غدا بعينها خلال
يعني كذا .. غسولها من قربها = يابدر .. مالك في قصيرات وطوال
دامك قطفت من الجنينة .. عنبها = ورشفت من كاس الهنا رشفة زلال
خلك مع رجال ٍ تباهى بادبها = وخلك من رجال "اطلهبل" بالاهوال
ما عمهم .. لكن تبين سببها = لاصار ما نفرق محمد .. عن اقبال !!