قصيدة حفل الأهالي للشاعر حسين البليهي
قصيدة حفل الأهالي
--------------------------------------------------------------------------------
ياقصيدي تحيـزم واتـك تكيـة عقيـد = دون ربعـه ثنـى الركبـة وثارفشـقـه وعن حدود الشمال اصدح بعذب النشيد = وعن امير الشمال اقصد بليا ورقــــة ياقصيـدي طلبتك يازعيـم القصيـد = جمّـل الشاعـر اللـي جادلـك بعـرقــه هات لي من سمان الحرف صيدٍ جــديد = وسق سحاب المعاني من عروقـي سقـه ماني الشافعي حتى استحـي مـن لبيـد = شاعرٍ غصب عنـي والقصيـد اعشقـه قبلي حسان ثابـت كـان شعـره فريـد = فـوق كفـار مكـة نيشـنـه واطلـقـه ياوطنـا فديتـك عـل عمـرك مـديـد = يـامـداد الفخروالمـجـد يامـشـرقـه انت لك بالمعالـي مجـد ماضـي تليـد = من نزل وحـي ربـي والرسـول نطقـه من ترابك تحـرّك خالـد بـن الوليـد = لين جيش النصـارى واليهـود سحقـه ياوطنا فديتـك والسعـد لـه رصيـد = يـوم عبدالعزيـز بناظـريـه ارمـقـه لادخـل جامعـات ولاتعيّـن معـيـد = ولّفـوا 1000منهـج مـن درر منطقـه وياسلامي على اللي حبهـم بالوريـد = وقدرهـم بالمحانـي وردتــه مـورقـه الملوك العريبـة جـد وابـن وحفيـد = نسـل امامٍ مجاهد ماثـنـى بنـدقــه مرحبا بالملــيك اليعربي الرشـــيد =ا بومتعب تبارك ربه اللي خلقــــه لابغيتـه رفيـق ولابغيـتـه شـديـد = للعدومـاأشـده لـلـخـوي مـارفـقـه أشهد انه على المجرم يدينـه حديـد = وشـارب اللـي يبالـط بالحـدب يحلقــه واشهدانه على المحتاج عيـدٍ سعيـد = واشهـد انـه رقيـقٍ دمعتـه تسبـقــه واشهد انه سحابٍ هل والقـاع بيـد = وقبقب العشب وازهر من كثـر ماغرقــه اشهد انـه محنـك ذو قـرارٍ سديـد = لانفتـح بـاب فتنـة سكّـره واغلـقـه واشهدانه سياسي شوف فكره بعيــد = واشهـد انـه مليـكٍ عنـد شعبـه ثقـة واشهد انْ له عضيدٍ نِعْم نِعْم العضيـد = إيه سلطـان هـذا اللـي جلـس بشنقـه آبوخالـد لحالـه بالعطايـا وحـيـد = منهـو يحصي لنـا اللـي جادبـه وانفقـه ياوطنـا تدلـل واطلـب اللـي تريـد = دام ربـي مكـانـك مـيّـزه وافـرقــه بلدةٍ طيّة والرب ربٍ حميـــــد = وحاكمينٍ بشرعه والعطــا مغدقـــــــه عل منهـو يكيـدك ربنـا لـه يكيـد = وعـل منهـو نوابـك نيّتـه تسحـقــه وعل يرجع وينـدم كـل خبـلٍ بليـد = عن سماع الهدى والحـق صابـه صقــه يحسبنـه ليافجّـر تـوفـى شهـيـد = أمحقـه مـن توجـه أمحقـه أمحـقــه وعل يرجع ويندم كل غـاوي عنيـد = راعــي العلمنة والفسق والزندقـــــة اللي بالغـرب والكفـار دايـم يشيـد = لعبةٍ في كفوفٍ سـود مسـتشـرقـــــه مشكلتنا من الصنفين عمرو ويزيـد = اللـي سنـدان واللـي للأسـف مطرقـــة العــدو من تنطعهم هو المستفـيد = صنف من غير وعي وصنف مسترزقة ياوطنا ترى حبك لشعبك رصــــيد = حتى لوسوق الاســهم شلحّه وسرقـــه سوقٍ اودع بَعَضنا مثل حب الحصـــيد = وبَعْـضـنا شيّب بعينه قبل مفرقــــه وبعضنا لوضحك بالوجه ماهوســـعيد = الديـــــون ارثعت به والفقر يبحقـــه والامل في ملكنا جعل عمره مـــــديد = والاّ الانسان ربه كافــــلٍ يرزقــــه ياوطنا أخيرا هاك بيت القـــــــصيد = يامـداد الهـدى والـحـق يامشـرقــه لك عيالي ومالي قل لي هل من مزيــــد؟ = إيه راسي فداك اليـــوم لوتـــشنقه صغتلك ياوطنا من ضميـري نشيـــــد = شاعره يفتخـر بـه يـوم جـف عرقـه الشاعر/ حسين خليف البليهي العنزي صــــــــــــــ ـــح لـســــانــــــ ـــــــــــــــ ك |
اقتباس:
. ماشاء الله تبارك الله شاعر يستحق التوقف عند حروفه والله شاعر متمكن :) . . الشاعر/ حسين خليف البليهي العنزي أبيات صيغت بكل حرفنة شعرية مضمونها نبيل قيّم ومليئ بالمعاني المعبرة وأنا هنا لأجل الأرتواء بـِ جمال الحرف صح لسانك وبوحك وفكرك ويا جعلنا ما نبكي هالقصيد ياخوي بيض الله وجهك ولاهنت . . الفاضل .. الهذاب طبتَ وطاب حضورك شاكرة وممتنة لكَ الاهتمام والتواصل ولا تبخل علينا بالمزيد تقديري هيـــــااااا |
رد: قصيدة حفل الأهالي للشاعر حسين البليهي
صح لسانه شاعر متمكن
وعطيك العافيه يالهذاب لكن ماهذا مكانها مكانها المختارات الشعريه |
رد: قصيدة حفل الأهالي للشاعر حسين البليهي
ماقصر صح لسانه ماقصرت يالهذاب
|
رد: قصيدة حفل الأهالي للشاعر حسين البليهي
صــــــــــــــــح الســـــــــــــانـــــــــــــــــــــــك
|
رد: قصيدة حفل الأهالي للشاعر حسين البليهي
اخوي الهذاب شكرا لك وللشاعر الكبير حسين البليهي وبالتاكيد قصيد جزله من شاعر جزل وتحياتي للجميع |
| الساعة الآن (02:55 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه