قصيدة الشاعر // حاكم العواجي .. . (( بحفل عرعر))...........
هذه القصيده للشاعر الكبير // حاكم سعدي فواز العواجي
]بمناسبة زيارة خادم الحرمين الملك عبدالله بن عبدالعزيز ال سعود _ حفظه الله لمنطقة الحدود الشماليه
خال السحاب اللي مزونه مرابيب = وارزم على حد الشمال الخيالي حاكم العواجي تو العيون تغازل النوم ويريب = وتو الفرح يملا صدور الاهالي حي الله اللي يرمي الراي ويصيب = حي الله اللي يرتكي للثقالي مرحب تراحيب الصدور المراحيب = باسم الشمال وباسم امير الشمالي يامرحبا يامرادف المجد للطيب = حياك ربي يالمليك المثالي شرفتنا شرفك ربي عن العيب = ياعل بقدومك لنا العز فالي من جيت الخير جاله مناديب = غيم سحابه فوقنا واستخالي السيل له بفروع لاهه مضاريب = وسال بدنه والمعتدل والهلالي وعرعر واهلها يكثرون التراحيب = ورفحا تبادلنا الفرح والتهالي والكمب والوديان والحزم والبيب = ترقب وصولك ياعزيز الوصالي ومن شرقي الشعبه ليا طريف تغريب = ومن النفود الضلعه ام الوعالي تسمع زغاريد الفرح والهناديب = والارض نفرشها ورود وزوالي وعيوننا وقلوبنا لك مراقيب = وغلاك مع دم الشرايين سالي مايسبفك غير الوفاء والتراحيب = وريح الدخون وزعفران الدلالي لك عندنا قدر ومحبه وتوجيب = عالي وقدرك بالمعاليق عالي ولك عندنا بيعه وطاعه وترحيب = ولك بالشمال عيال عم وخوالي جولك غلا ماهو نفاق وطباطيب = وجود راسك بيننا راس مالي ميل عقالك ياحصان الاطاليب = وانته بحفل ميلين العقالي منزلك من بين الضلوع المحاديب = ولك كل ابونا مثل متعب عيالي واللي بعزه تشرق الشمس وتغيب = انك بوسط قلوبنا حيل غالي فيك الاماني والليالي شلاهيب = وفيك الابوة ياكريم السبالي زرت الضعوف وشفت حال المغاليب = وارهيت للمحتاج خشم الريالي ورتبت حال العجز والرمل ترتيب = اللي عليهن مايل الوقت مالي وافرجت عن نزلاء السجون الضنابيب = وزدت الرواتب كلها بالعدالي مالك ورى فعل الجمايل مطاليب = الا دعانا لك بنصف الليالي ياعل عمرك من عمر نوح وشعيب = ومنزل عمر واجر المؤذن بلالي ياللي بك القيفان رهبه وترغيب = تنصاع لك ياشامخ المستحالي صقر العروبه هيلعي المضاريب = اسمٍ على معناه ماهو خيالي الشعر بك يفخر ويزداد ويطيب = وابنايبك جزل المديح استوالي اللي يشد العضد بالضيق وينيب = سلطان بعيد النظر والمدالي ان كان باليمنى الطويله عذاريب = يمناه يمنى باليمان الطوالي ماكنه الا سالم ازير لكليب = جنبك ليا ركب الرشا بالمحالي ذكره عبق مع ذاريات الهباهيب = ولي عهدك يصنع المر حالي خلا الدفاع بكل قدره وتأهيب = وقوات جوٍ للجزيه ظلالي وجاب السلاح ودرب الجند تدريب = وتعلموهن لابسين البدالي والمملكه دونه سيوف ٍ محاديب = من مدخل الرقعي لباب الطالي دونه مداغيش العيال المعاطيب = تاطا على الموت الحمر ماتبالي للعين كحاله وللخشم ترطيب = وللعنق سيف ٍ دون حده يلالي الدين وحدود الوطن مابهن طيب = من دونهن مقطوع حبل الجدالي حنا بعون الله رجال المواجيب = احفاد مروين الغلب والسلالي ماغيرتنا الزعزه والاكاذيب = ودعاية اللي يدعون الضلالي لله ولاهلهم ولوطنهم مغاضيب = سود القلوب جنود سود العمالي حصيلنا منهم فجايع وترعيب = وارمالة العذراء ويتم العيالي منهم برينا بري يوسف من الذيب = ياعل مأواهم بها الكون خالي ماهم منا ذولي كلاب الاجانيب = قاتلهم الله واستحقوا قتالي سدد عليهم حاميات المشاهيب = اجتثهم عبره وكيد ونكالي انت الملك تامر وحنا لك نجيب = والدار دارك وانت للدار والي حنا الضيوف وانت راس المعازيب = نزلت ونزولك نزول الزلالي شرفت عرعر وامتلا جوها طيب = قبل دخولك صالت الاحتفالي وحيوك اهل حد الشمال المناجيب = وبجهود ابو خالد كمال وجمالي ينصابه الوضع المعقد لياهيب = اميرنا المحبوب صقر الشمالي مقطاع حق وماضي له تجاريب = دمث المحيا والنبأ والقبالي واليوم ذا عيد وشموخ وهناديب = وفرحة عمر لااهل الشمال وتعالي هب النسيم وزغردن الرعابيب = وعرعر تزهت بالحلي والدلالي يامرحبا يامرادف المجد للطيب = حياك ربي ياملكنا المثالي |
رد: قصيدة الشاعر // حاكم العواجي .. . (( بحفل عرعر))...........
ولك عندنا بيعه وطاعه وترحيب = ولك بالشمال عيال عم وخوالي
أقيم بمناسبة زيارة خادم الحرمين الشريفين وولي عهده الأمين للمناطق الشمالية مهرجان شعري كبير بثته ُ معظم القنوات الفضائية الشعبية ،، وتضمن هذا الحفل كوكبة كبيرة من الشعراء والفرق الشعبية المشاركة فيه ولكن التميز الذي أدى إلى انجاح هذا الحفل هو في قصيدة ماجد العواجي التي وسمت المهرجان بوسام التميز الدال على نجاحه وتنظيمه الجيد الذي فاق التوقعات ....... فلك الشكر ياا خي عبدالله الثابت على نقل هذه القصيدة التي عبّرت عما في نفوسنا لهذا المليك الغالي حفظه الله ورعاه .......:wilted_rose: تقديري واحترامي لشخصك الكريم أختك ... الـــبــــيــــــداء :wilted_rose: |
رد: قصيدة الشاعر // حاكم العواجي .. . (( بحفل عرعر))...........
ولك عندنا بيعه وطاعه وترحيب = ولك بالشمال عيال عم وخوالي
جولك غلا ماهو نفاق وطباطيب = وجود راسك بيننا راس مالي ميل عقالك ياحصان الاطاليب = وانته بحفل ميلين العقالي انشهد انك جزل يااحااكم ولاهنت يابو وجدااان الف شكر لك |
رد: قصيدة الشاعر // حاكم العواجي .. . (( بحفل عرعر))...........
صح الله لسانه
قصيده مشرفـــــــه كل الشكر اخوي عبدالله |
لاهنت يا صوت ويلان عبدالله الثابت حضور متألق بتواجد سخي لا تأتي الا بالدرر والروائع يعطيك ألف مليوون عافيه اقتباس:
ولاهنت ياجزل . . من القلب حفظ الله لكم أبا متعب أبا ً وقائدا وأطال بعمره ومتعه بالصحة والعافية . . شكراً صوت ويلان . . تقديري هيــــــااا |
رد: قصيدة الشاعر // حاكم العواجي .. . (( بحفل عرعر))...........
|
رد: قصيدة الشاعر // حاكم العواجي .. . (( بحفل عرعر))...........
ميل عقالك ياحصان الاطاليب = وانته بحفل ميلين العقالي
الشــاعر الكبيــر / حــاكــم العــواجي شــاعر الجــزالــه والأبــداع شهــادتي فيه مجــروحــه ولكــن سيضــل من اخطــر الشعــراء في هــذا الـوقـت |
| الساعة الآن (02:38 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه
