لا تعلمون ام وضاح
امس صدفه صدفته يابوفارس الحاله ---------------صدفةِ شفت منها يابن عمي بلاوي شفت خشفِ ذبحني ومني القلب هاله -------------شق صدري برمحه مثل رمح العطاوي عنق ريمِِ يخايل جافلِ من اضلاله ----------------لعنبوها صغيره ما تعرف القراوي قلت يا بنت لحظه واعتبرها جماله ---------------ترحمين المعذب في زمانه شقاوي مستعدِ يضحي بالحريم وحلاله --------------انتي بس انطقيها يمك القلب هاوي قالت يا عم وينك فاختتك الجهاله ----------------خل عنك المغازل وانتبه للفتاوي بس واصل مسيرك واتجه للبقاله -------------هات خبز لحريمك خل عنك الحكاوي قلت يا بنت خلي في ضميرك عداله ---------------والله اني هويتك ياعيون النداوي ان نشدتي تراني من الرجال الشكاله ---------------بسنة الله نويتك ياعذاب الهواوي دنقت وهنفتلي وافتهمت الرساله --------------اه واشيب قلبي يوم شلت الغطاوي اذكر الله عليها من حلاوة جماله -------------والمصيبه كبيره دونها الذيب عاوي ان سكتنا غبينه ون حكينا رزاله ---------------اوف ياطول ليلي يابعيد الهقاوي ليتني مرايةِ له واتصبح قباله -----------وانت داري وانا ادري ما تفيد المناوي خالك ادوا بهواها وحالته غيرحاله --------------يسهرالليل كله يابوفارس خلاوي الشاعر\موسى المشعان |
رد: لا تعلمون ام وضاح
|
رد: لا تعلمون ام وضاح
موسى المشعان رائعه من روائعك التي اعتدنا عليها.. صح لسانك ملايين .. دمت بخير.. |
رد: لا تعلمون ام وضاح
ابو وضاح انت عودن طاقن طوبه ! عين من الله الخير وافطن للعييلك ونياااااااقك ! ترا احسن لك ! <<<<<<<<< قلب الفروه على الشايب المهستر ! هذي احدث صوره التقطت للعود ابو وضاح ! http://www.uop.edu.jo/Images/حليب%20الناقة4.jpg |
رد: لا تعلمون ام وضاح
ان سكتنا غبينه ون حكينا رزاله ---------------اوف ياطول ليلي يابعيد الهقاوي يااابووو وضاااح اسكت ولاا العلم يااصل لام وضااح ههههه صح لساانك يالعوود ابك انت وش ناوي عليه والله ماحد يقدر لك صح لساانك مليوون ولاااهنت |
رد: لا تعلمون ام وضاح
اقتباس:
يوسف يقولون ما يفل الحديد الا الحديد ! وانا اعرف والله اللي يفله فل خرزات المسباح ! تبي تعرف منهو ! ابشر هذا هو ! http://tbn0.google.com/images?q=tbn:....php%3Faction% http://www.6rp.net/she3r/5laf_almsh3...f_almsh3an.jpg ما عاد يمديه العود (( الازعر )) ! شف يا موسى انت بخيت اللي صرت اخو خلف المفروض انك تحج عنه كل سنه ! شف منايحك ودر بالك عليهن ترا خلف يبي لامنه تضايق وجا يلقاهن اوكيه >>>>>ههههههههه <<<<< تابط شرا اليوم |
رد: لا تعلمون ام وضاح
الاخ الغالي عبد الله عشوي يا بعد را سي انت والله حضورك شرف ليه ياقلبي |
| الساعة الآن (05:13 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه