احبتي
مساؤكم نقاء كقلوبكم الطاهرة
إنها ليست سوى خربشات كيبورديه جمعتها لكم
فأرحموا هفواتها

يا إلهي كيف أنا اتعب لجل أرضي لك غرورك=ياإلهي كيف تتعب في أمـل تبكـي عيونـي
كنت انا البارح أحارب من أجل أعبر جسورك=كنت إنت أعتى مقاتل في رجا تكبح جنونـي
بين آهات الغلا وشمس بدت تشرق بنـورك=غلطة شتت رحاها كل نبضـه فـي شجونـي

::::::::::::::::::::::::::::::::::::

مشكله لاجتك طعنه من كفوف أقرب قريـب=ماسأل عن نزف جرحك كيف آلامـه تكـون
يشتكي لك حب غيرك وهو في قلبك حبيـب=يدري انه كـل كلـك ويتمـادى بالطعـون
يعني جلاد وخناجر قسوتـه تمطـر لهيـب=والمصيبه إن قلبـه ظاهـره قلـب حنـون
تلتفت ما تسمع إلا آهتـك تـردف نحيـب=ولا رفعت عيونك تشوف إبتساماته فنون
يامتاهات الجروح اللي فقدت أغـلا طبيـب=يامسافات الرحيل اللي بكت عقـل وجنـون
كيف أنا اطلب رحمته يرميني بحرف عطيب=((لاصداقه لاأخـوه لا ولا قلـب فتـون ))
يعني أغرق في عذابي وأبقى في حلمي كئيب=انتظر ليل الأمل يحيـي بقايـا ذا الغصـون
إيه ابرحل عن عذابك عاشق مهاجر غريب=شايل جرحـي بكفـي كـل آمالـي سكـون
مشكله لامات قلبك فـي خناجـر هالقريـب=وهو يتلـذذ بموتـك كيـف قدامـه يكـون

:::::::::::::::::::::::::::::::::::::::::::::::::: :::::

ياغالية كيف الألم لامن سقى روحي قهـر=وانتي بيدينك من سقى روحي ألم ياغاليه
ياغالية كيف الجراح العاتية تلهـب جمـر=كيف الشموع اللي ضوت تطفي ليالي باليه
ياغالية كيف العيون اللي اذرفت ذاك النهر=راحت تدور في حزن نفس سقيمة ساليـه
ياغالية كلي اسى كلـي مواجـع تحتضـر=جيتك ابي منك الحياة رديت وجرحي شايله
جيتك غلا جيتك هوى جيتك مشاعر تنتثر=واهديتني في ليلتي عـدة جـروح طايلـة

:::::::::::::::::::::::::::::

انصفيني ياجروحي قبل يقتلنـي ملامـه=انصفيني ياحناجر صمتها مالـه عـذر
خبريني هو بقى للعمر مايحسن ختامـه=هو بقى للغيم حجه يوم يبخـل بالمطـر
هو بقى لليل عذره يوم يحرمني منامـه=هو بقى للبحر طاقه يوم يبقى في جـزر
هو بقى للناي حزنٍ يحرم العاشق هيامه=هو بقى للطير ريح تحمله فوق البشـر
خبريه الليل يغمر قلبي الحاني بظلامـه=خبريه النور طلة صبحه العذب السحـر
خبريه الهم ارسى وسط قلبي من خيامه=خبريه الفرح يوم يسوقه بدربي القـدر
يالله لحامد تعالي مابقى لصبره علامـه=ليلتين وذاب قلبه شوقٍ طاغـي منتثـر
لايردك عن خفوقٍي انتي ياغاية مرامـه=لايردك لاجـروح ولا صـدود ولا كـدر
إرحميني من صدودك قبل تكسيك الملامه=ارحميني قبل باكر ينتهـي كـل العـذر

:::::::::::::::::::::::::::::

دوت صرخه وسط ذاك الخفوق اللي صرخ منضام=احس النزف مابيـن الحنايـا يكتسـح صـدري
رميت شراعي السحري على متن العمـر قـدام=رجيته يغمر احساسه بريق شراعـي السحـري
اشوف حروفه بفرحه تراقص مـع شقـا الايـام=وانا اللي واقف لحالـي اتابـع مشهـد العـذري
تذوب الفرحه بشفاتـي ويسكـن صـدري الآلام=وأتوه بغربة أيامي ولا ادري وين بـي تسـري
نعم جيتك شقـا يسكـن بقايـا فرحـة الاعـوام=تلبس عمـري وسافـر بدربـك يافـدا عمـري
واببقى في فرح باكـر اعيشـك دنيتـي اوهـام=إلين الشمس تشرق لـي وتنهـي حلـم بفكـري

:::::::::::::::::::::::::::::::::::::::::::::::::

اللي طعن ليل الغلا دون تبريـر=ليته درى عن طعنته كيف صارت
يسوقني له شوق فاق التصاويـر=مشاعر من قسوته حيـل ثـارت
جرح التجاهل مايبي اليوم تفسير=جرعت نزفه والأحاسيس بـارت
أمد كفي فيهـا حلـو النواويـر=يمد خنجر داخل الصـدر غـارت
ما أنتظر من قلبك اليـوم تعبيـر=اللي جرى أكبر من جروح فارت
نفس عزيزه تطلب اليوم تحريـر=وأحلام صبح مع عصافير طارت

:::::::::::::::::::::::::::::::::::::::::::::

يسعـد صبـاح الألـم ياليلـة الجمعـه=ويسعد صباح الجروح اللي صحت بدري
أشوفهـا مـع نسيـم الفجـر مجتمعـه=لفتني أفواجهـا مـن غيـر مـا ادري
مصيبه إليا اختنق صدر الغـلا بدمعـه=الحزن طاغي وأنا اللـي فاقـد صبـري
حلمي سكن بالزوايـا وإندفـن زرعـه=من علم الساقي يطرب لانحفـر قبـري
بين الحنايـا مواجـع ياصعـب جمعـه=مدامعي مـن قساهـا تصـرخ لعـذري
نثرت صدق المشاعـر منتظـر فزعـه=لقيت صدر الغلا نـاوي علـى هجـري
يعني يموت الحنين وتنطفـي الشمعـه=ويبقـى ألـم ليلتـي مناخـه بصـدري
ياليلة الجرح صبحك هـذا هـو طبعـه=( إ )يصحي جروحي اللي ماصحت بدري

المشاركة الأصلية كتبت بواسطة مشاعر حالمه حامد العيد كلها روووووووعه كلهاااا الا يا إلهي كيف أنا اتعب لجل أرضي لك غرورك ياإلهي كيف تتعب في أمـل تبكـي عيونـي كنت انا البارح أحارب من أجل أعبر جسورك كنت إنت أعتى مقاتل في رجا تكبح جنونـي بين آهات الغلا وشمس بدت تشرق بنـورك غلطة شتت رحاها كل نبضه فـي شجونـي في هالابيات انت تخاطب من ؟؟ الإله عزّ وجلّ ومن المعروف انه ليست من اسماء وصفات الله جل في علاه الغرور أو انك تقصد الطرف الآخر ..بأنك تشكي للإله وفي نفس الوقت تسأل الطرف الآخر ؟؟ اتمنى منك التوضيح ولاعليك أمر لكي لايحصل لبس في فهم الأبيات من الأغلبيه ^__^ لأن ابياتك قمة في الجزاله الا هذه الأوليّه فهي شدّتني للسؤال .. صح السانك يالقرم ولاهنت تحيتي لك / مشاعر حالمه