قصيدة رائعة نسمعها مغناة ويمكن اكثرنا ما يعرف شاعرها
لعل قصر ما يجيله ظلالي... من روائع محمد السديري يقول من عدا على راس عالي رجم طويل يدهله كل قرناس في راس مرجوم عسير المنالي تلعب به الارياح مع كل نسناس في مهمة قفر من الناس خالي يشتاق له من حس بالقلب هوجاس قعدت في راسه وحيد لحالي براس الطويل ملابقه تقل حراس متذكر في مرقبي وش غدالي وضعقت بالكفين ياس على ياس اخذت اعد ايامها والليالي دنيا تقلب ما عرفنا لها قياس كم فرقت ما بين غالي وغالي لوشفت منها ربح ترجع للافلاس يقطعك دنيا ما لها اول وتالي لو اضحكت للغبن تقرع بالاجراس المستريح اللي من العقل خالي ما هو بلجات الهواجيس عطاس ماهوب مثلي مشكلاته جلالي ازريت اسجلهن بحبر وقرطاس حملي ثقيل وشايلة باحتمالي واصبر على مر الليالي والليالي والاتعاس وارسي كما ترسي رواس الجبالي ولا يشتكي ضلع عليه القدم داس يابجاد شب النار وادن الدلالي واحمس لنا يابجاد ما يقعد الراس ودقه بنجر ياظريف العيالي يجذب لنا ربع على اكوار جلاس وزله الى منه رقد كل سالي وخله يفوح وقنن الهيل بقياس وصبه ومده ياكريم السبالي يبعد همومي يوم اشمه بالانفاس فنجال يغدي ما تصور ببالي وروابع تضرب بها اخماس واسداس لاخاب ظني بالرفيق الموالي مالي مشاريه على نايد الناس لعل قصر ما يجيله ظلالي ينهد من عال مبانيه للساس لاصار ما هو مدهل للرجالي وملجا لمن هو يشكي الضيم والباس بحسناك يامنشي حقوق الخيالي ياخالق اجناس ويامغني اجناس تجعل مقره دارس العهد بالي صحصاح دوِّ دارس مابه اوناس البوم في تالي هدامه يلالي جزاك ياقصر الخنا وكر الادناس متى تربع دارنا والمغالي وتخضر فياض عقب ما هيب يباس نشوف فيها الديدحان متوالي مثل الرعاف بخصر مدقوق الالعاس ونثير على البيدا سوات الزوالي يشرق حماره شرقة الصبغ بالكاس وتكبر دفوف معبسات الشمارلي ويبني عليهن الشحم مثل الاطعاس محمد الأحمد السديري |
عندما تضيق بك الدنيا وتكثر همومها وأحزانها فحتما ستخرج لنا هذه الراائعة اقتباس:
. الله الله الله رائعة من روائع محمد الأحمد السديري رحمه الله وأسكنه فسيح جناته لربِ أنها قصيدة من الوزن الثقيل وتكتمل روعة القصيدة بصوت الفنان محمد عبده الذي تألق فيها .. وأي تألق ..؟! . . الفاضل .. عبدالله الفهد لله درك وماشاء الله عليك متميز في الاختيار تدهشني الصراحه والطرح رائع بكل المقاييس الله يعطيك ألف عافية ولايهينك تقديري هيـــــاااا |
رد: قصيدة رائعة نسمعها مغناة ويمكن اكثرنا ما يعرف شاعرها
الأخت هيا لربِ أن مرورك من الوزن الثقيل لايكتمل اي طرح الا بمرورك العطر ردودك صريحة وجميلة وبناءة تقبلي تحياتي لك كل الود |
رد: قصيدة رائعة نسمعها مغناة ويمكن اكثرنا ما يعرف شاعرها
رحم الله الامير محمد الاحمد السديري واسكنه فسيح جنانه ويعطيك العافيه ولاهنت على النقل وبيض الله وجهك
قصيده تعتبر من اروع القصائد النبطيه والتي تظل خالده في ذاكرة الشعر النبطي مودتي وتقديري |
رد: قصيدة رائعة نسمعها مغناة ويمكن اكثرنا ما يعرف شاعرها
دنيا تقلب ما عرفنا لها قياس
كم فرقت ما بين غالي وغالي لوشفت منها ربح ترجع للافلاس يقطعك دنيا ما لها اول وتالي أنـــا أشهـــد أنــــه ما كذب..يوم قآلهــــا تسلمـ...لنا والله يا عبدالله على النقلـ.. نويدر :) |
رد: قصيدة رائعة نسمعها مغناة ويمكن اكثرنا ما يعرف شاعرها
سعوط المجانين وجهك ابيض مرورك يسعدني |
رد: قصيدة رائعة نسمعها مغناة ويمكن اكثرنا ما يعرف شاعرها
الله يسلمك يالشمالي ولاهنت على المرور العطر لك كل الود |
| الساعة الآن (05:27 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه