نهار ثالث عقب عيـد رمضانـي=ناس عطاها الله وناس محرومـه
أحدٍ قضى عيده سـلام وتهانـي=وأحدٍ توصله الكواكـب همومـه
صادفت صدفه من صدوف الزماني=منها قوي الحيل تفتـر عزومـه
هـذا زمـان الهـم والإمتحانـي=وقت على قلبي تعاقـب سهومـه
الاولـه كامـل جميـع المعانـي=مزبن المضيون شرع الخصومـه
محمد اللـي فالقسـى والليانـي=عقبه سمايـه غايبـات نجومـه
والثانيه باقـرب قريـب ودانـي=خامس عيالي يوم جتني علومـه
قالوا ما بين الخاصره وحلبانـي=ولدك مات اللـي ترجـى قدومـه
جاء يومه الموعود باربع ثوانـي=قلت السبب قالوا دنا منـه يومـه
علم على الكبد الصخيفه كوانـي=كية عطب ما تنشكـى للحكومـه
تهشمت كـل الضلـوع المحانـي=مفجوع والمفجوع ما حدٍ يلومـه
أخذت لي ساعة وأنا في مكانـي=حسبت لي عشرين طيحة وقومـه
أليا بغيت الهرج ييبـس لسانـي=والذاكره عنـدي تقـول معدومـه
قمـت أتلفـت وتسمـع باذانـي=من شاف حالي ما تهنـا بنومـه
مما بقلبي رحـت بالليـل عانـي=للموتر اللي ما بقـى إلا رسومـه
عن روحتي ياليت ربـي نهانـي=ولا شفت دمه سايح في هدومـه
قمـت ودفنتـه والله المستعانـي=في خرقة بيضا عليـه محزومـه
يـم القويعيـه بـلاد قحطـانـي=والحر غير لون وجهي سمومـه
وأقفيت من عنده وعشري ثمانـي=مثل المصبح والبـلاد محكومـه
والله لولا إنـي وسيـع البطانـي=لا صكها مثل أشقر الريش حومه
طاوعت نفسي مير عقلي قوانـي=عن الخطا ما فيه نفس معصومة

المشاركة الأصلية كتبت بواسطة مشعل غريب الضوي مرثية الشاعر أحمد الناصر الشايع في أحد أبناءه رحمه الله.......... نهار ثالث عقب عيـد رمضانـي=ناس عطاها الله وناس محرومـه أحدٍ قضى عيده سـلام وتهانـي=وأحدٍ توصله الكواكـب همومـه صادفت صدفه من صدوف الزماني=منها قوي الحيل تفتـر عزومـه هـذا زمـان الهـم والإمتحانـي=وقت على قلبي تعاقـب سهومـه الاولـه كامـل جميـع المعانـي=مزبن المضيون شرع الخصومـه محمد اللـي فالقسـى والليانـي=عقبه سمايـه غايبـات نجومـه والثانيه باقـرب قريـب ودانـي=خامس عيالي يوم جتني علومـه قالوا ما بين الخاصره وحلبانـي=ولدك مات اللـي ترجـى قدومـه جاء يومه الموعود باربع ثوانـي=قلت السبب قالوا دنا منـه يومـه علم على الكبد الصخيفه كوانـي=كية عطب ما تنشكـى للحكومـه تهشمت كـل الضلـوع المحانـي=مفجوع والمفجوع ما حدٍ يلومـه أخذت لي ساعة وأنا في مكانـي=حسبت لي عشرين طيحة وقومـه أليا بغيت الهرج ييبـس لسانـي=والذاكره عنـدي تقـول معدومـه قمـت أتلفـت وتسمـع باذانـي=من شاف حالي ما تهنـا بنومـه مما بقلبي رحـت بالليـل عانـي=للموتر اللي ما بقـى إلا رسومـه عن روحتي ياليت ربـي نهانـي=ولا شفت دمه سايح في هدومـه قمـت ودفنتـه والله المستعانـي=في خرقة بيضا عليـه محزومـه يـم القويعيـه بـلاد قحطـانـي=والحر غير لون وجهي سمومـه وأقفيت من عنده وعشري ثمانـي=مثل المصبح والبـلاد محكومـه والله لولا إنـي وسيـع البطانـي=لا صكها مثل أشقر الريش حومه طاوعت نفسي مير عقلي قوانـي=عن الخطا ما فيه نفس معصومة تحياتي للجميع........

أسئل الله ان يتغمد ابنه في رحمته



(إنا لله وإنا إليه راجعون)


الأخ مشعل


تسلم على النقل


تحاتي لك