يااللي تنـام وهاجسـي سـاهرن فيك=حرام شف هاجسك كم نام فيني
ياكافــرن فـي عزتـي ذل اصلـــيــك=خلاص تــايب منك بــرجـع لديني
بصيـح بعــلا صـوت وقـول ماـبـــيك=عسى ولي الكـون يرحم حنينــي
ابي انســحب من عالمـك من مأسيك=والـيـوم حــد الله بينك وبينـــــي
شف كيف صار الوضع بلعكس يرضيك=استأذنك بالتـين والتين تيـنــي
علـى الامــر غير الامـر وش يـوازيــك=ياسـيدي مجـبور مـاهو بيدينـي
ان كان باقي لصورتي وجـه يعنيـك=اعـتـق لوجه الله باقي سنينــي
ياسيدي ماعـاد لي وجـه احاكـيــك=علمتني بالـ درس مرفع جبينــي
علمـتنـي قبل اكتـبـك لازم امـحيـك=علمتني بـالـغـدر انصب كمينــي
عـلمتني قبـل ابتـسم لازم ابـكيــك=علـمتني بالـ دمع اسقي ونينـي
عـجـزت انا لـفهم مـعـدن مـباديــك=انا استر عيوبك وتفضح دفينـي
قسمتني قسمين وتبيني امشيـك=دربن على يسراي ودربن يمينـي
ابنـيك تـهدمنـي تهتدمنـي ابنـيك=في دائـرت شـكـك تزرع يقينـــي
اطـلبك ماتعـطي تطلبنـي اعطـيك=والمشـكله دايـم تجـحـد سمينــي
اظـماك تشـربنـي تظمـاني ارويك=اجـيـك تـتبـاعد ابـعـد تجـيـنــي
اجـيك مـدري صعـب يجـوز ماجيك=لنـي انا بالظـبط ماعرف وينـــي
احسـبك مـيت جـيت طيب واعزيـك=نسـيـت انـي مــت قـدام عيــنـي

المشاركة الأصلية كتبت بواسطة عبدالله عايد المنفي صح لسانك ولاهنت قصيدة رائعة استمتعت بقرائتها وتقبل فائق تحياتي لجنابك .

المشاركة الأصلية كتبت بواسطة صالح الجطيلي الشاعر المنفي / صح الله لسانك ان كان باقي لصورتي وجـه يعنيـك@ اعتـق لوجـه الله باقـي سنيـنـي لله درك يا المنفي رائع الله لا يهينك تقبل مروري وتقديري لك دمت بود