بعض الاوادم تعتلي فوق وتبان=ترمي قيمها بزدحام الجواتي
وانا ابو سامي عند نفسي كحيلان=الطيب خصله من محاسن صفاتي
حقران والحقران تقطيع مصران=يعجز عذولي ما يسوي سواتي
ناديت لجموع الجماعه وحيران= بمصيبتي محدن تعب غير ذاتي
كان البعيد اقرب من نفوس خلان=وكان القريب مناه يسمع شتاتي
ويومن سامي ارمى بكل حقران=كنت احسبً كل الجماعه بتاتي
وقفت مكسور الجناحين تعبان=وشيوخً اقفت مثل عذر البناتي
من هم يشوف وصد ذله ونكران=يقول خله جعل عمره فواتي
هو مادرى ان الحشى فيه نيران=واني مغبون بحرقتي وعبراتي
اشوف فلذه روح كبدي وانسان=هو فلذتي هو عصبتي هو حياتي
لاكن فزعلي خالق الانس والجان=ربي دعيته وارتجيت بصلاتي
رضيت امره لاعنن كل شيطان=امنت به في دنيتي وبمماتي
والي جرحني وحطبي كل نقصان=لازم يذوق اليوم لحطة عصاتي
الشاعر الي كنت انا وياه اخوان=اول عدواً قصني في قفاتي
هو يحسب ان في طعنت القدر كسبان=مايدري انه خايب الامنياتي
عليه دين ولاعمر صار ديان= مايلحق الطيب الردي لو يهاتي
اقول فلان صدق فاضي ومليان=حقود ردي كان يبغي عناتي
وبشوت ابن 00000 زرين وقيطان=لكن تردت مثل قدرة خواتي
واليوم يوم الحق لكل الملاء بان=وشمخت فوق مزوننا الممطراتي
وجريت بشتي فوق زل وريحان =جوني يبوني افزع بمقدراتي
وشلون تنسون الردى بماضياً كان=اهبي وجيه فيك خبث الصفاتي
كان الاسف يدمح خطاء كل غلطان=كل سمع تطويحتي بالصواتي
مو عيب انخي والمعاليق بركان=وحدي اصيح في خلاي بخلاتي
الدم ماحرك مشاعر وجدان=بصدوركم شايب حميه وماتي
وانا لي الله خالق الانس والجان=يشفي مريضي طالبه في صلاتي

المشاركة الأصلية كتبت بواسطة خلف فلاح العنزي الشاعر المبدع عبدالله عشوي صح لسانك ملايين واليوم يوم الحق لكل الملابان = وشمخت فوق امزوننا الممطراتي شامخ ياعبدالله وستبقى شامخ تقبل ازكى تحياتي00000000

ياخلف لو العرب شرواك=االظاهر مانشكي العايل

المشاركة الأصلية كتبت بواسطة تركي صالح الاخ الشاعر / عبدالله عشوي صح لسانك وسلم بنانك والله يشفي سامي أنشاء الله ودمت بكل خير وعافيه وتقبل فائق التقدير والاحترام

المشاركة الأصلية كتبت بواسطة عبدالله عشوي كفو والله يابو فلاح وتستاهل هذا البيت ياخلف لو العرب شرواك=االظاهر مانشكي العايل