ياللي طرقت الشعر لشعر ميزان=الوزن كفه والمعاني ابكفه
ومع الوزن تختار لشطر قيفان=حتى يصير الوضع مافيه لفه
واضرب على اللي دوم لشعر عنوان=معنى جليل ولابه ايات خفه
جزل المعاني لشعر ثور بركان=تهيج لكن من هو اللي يكفه
شف لي هذاك البيت مبني بعمدان=قايم واذكره فوق بالعون رفه
بيدين من هو للعلم دوم طربان=مفتوح بابه طيب والطيب شفه
وعنده رجالٍ بالمواقف لهم شان=كلٍ يقدم بالوفا له ملفه
حتى يصير الذكر واضح للاعيان=ويبين علمه للنجوم ويصفه
هذا هو المعنى ولافيه نقصان=وافي واقول ان الخبر فيه وفه
قو المعاني بالشعر وفد سلطان=شفهم يمينه لادعى عند كفه
الشعر معنى بنظرتي عالي اركان=شف المشاعر بالجزالة تزفه
وكلٍ ابفكره له شعارات والوان=والفكرواسع والبحر فيه ضفه

صح قلبك وسلم فكرك

تحياتي