دار الرحي يا بدر والوقت عيا =على المشقى لا تحقق رجاويه
رجمن طويلاَ مرقبه ما تهيا =بعزم الغريب الي عزومه تقديه
بيني وبينه جحر داباً وحيا =يتعب قدم رجلي لو اني ابمشيه
لفح الهوى مابدل الشمس فيا=وماينف الرجال كثرة شكاويه
بشد قافي ياعضيدي وهيا=اسر بقصيدي واتبعه في خطاويه
بريح الشمال الي بصدري تفيا=نبع الاصاله والربيع بمفاليه
بحلام ساقتني احدود الثريا= وأمال عيت لاتحقق مباديه
متوكلن بلي خلقني وهيا=وهياء لنا من فضل جوده دعاويه
يالله دخيلك ياجزيل العطيا=تعطي بدون احساب محدن يجاريه
يسري سحاب الخير بمرك عذيا=يسقي شعين مات زين الشجر فيه
اسمع كلامي يابدر وانت حيا =تفهم جديدي واتمعن معانيه
الناس ما تملى لك الدلو ميا =لاصار ما تقضب يمينك عراويه
احرص على القربه بصبر ورويا =ولا تجزي النكران نكران يعميه
وترى الرجال ان شفت ماهي سويا =متخالفه مابين نشمي ودهديه
احدن يجي صافي كريم المحيا =حاجات غيره عند نفسه ايبديه
اذا بدى لازمك فز و تهيا =واذا عطيته خافي السد يخفيه
واحذر من الي يبحثون الخفيا = اكلات الحوم البشر لاتمشيه
شفت ابزماني الف شياَ وشيا =وأعيش انا الحاظر وعايشت ماضيه
ماكل مانطلب لنا بيتهيا = وماكل مانخفي على الخلق نبديه
ودار الرحى يا بدر وانا هنيا =ماطلت رجمن متعبتني مواريه

المشاركة الأصلية كتبت بواسطة صالح العرجان حضور أول لحجز مقعد أمامي لي عوده .....