قولـوا معـي آميـن آميـن آميـن=الله يديـم الأمـن ويديـم الايمـان
ويحفظ لنا حكـام نجـد العزيزيـن=نسل الامام الوايلـي نسـل عدنـان
عبد العزيز اللي رفـع رايـة الديـن=الحـر أخونـوره سلايـل بليهـان
حر(ن) دحر بالدين روس الشياطيـن=محا رموز الشرك من كـل الأوطـان
من عهد أبو تركي ليّا عهدنا الحيـن=نِحكَم بحكم الشـرع سنّـه وقـرءان
حكامنـا للخيـر دايـم حريصـيـن=الصقر أبو متعب ولاهـان سلطـان
وأبو فهـد سلمـان سـمّ المعاديـن=ونايف وزيـر الأمـن لاهان.لاهـان
بالعيد نعيد العهد عهـد(ن) وتبييـن=بالعيد نعيد العهد عهد(ن) وعرفـان
ماهمنـا هـرج العـدى والمغليـن=أهل البدع والزور والريـب والـران
حب الوطـن بعروقنـا والشراييـن=واللي يخون العهد لا شك خسـران
حثالـة الارهـاب عاصين عاصيـن=خوارج(ن) يتلون مـارق وشيطـان
كم أعدموا بالجرم ناس(ن) مصليـن=بأسبابهم كم يبكـي اليـوم انسـان
وش عذرهم في ذبح ناس(ن) مسمين=وش عذرهم والذبح ظلم(ن) وطغيان
مامن عـذر يافاهميـن المضاميـن=مامن عذر والفعـل حجـه وبرهـان
والختم صلوا عدّ ماترمـش العيـن=على نبي(ن) كلـم الانـس والجـان

المشاركة الأصلية كتبت بواسطة فايز العبدلي اخي العزيز منصور الجلعود اينما وجدتها سأصافحها بكل ود لله درك من مبدع تقبل مروري واعجابي بما تكتب

المشاركة الأصلية كتبت بواسطة منصور الجلعود الأخوة المشرفين آمل تعديل البيتين : حب الوطـن بعروقنـا والشراييـن=واللي يخون العهد بالعون خسـران حثالـة الارهـاب لاشـك عاصيـن=خوارج(ن) يتلون مـارق وشيطـان الى: حب الوطـن بعروقنـا والشراييـن=واللي يخون العهد لاشك خسـران حثالـة الارهـاب عاصين عاصيـن=خوارج(ن) يتلون مـارق وشيطـان نظراً لحرمة كلمة(بالعون) اللهم اني أعوذبك أن أشرك بك شيئاً وأنا أعلم وأستغفرك لما لاأعلم ولكم تقديري ,